جيهان قمري باكية: حسيت بالذنب إني سبب وفاة والدي

تحدثت الفنانة جيهان قمري عن والدها الراحل وقالت إنها كانت تشعر بالذنب وأنها سببا في وفاته.

وحكت جيهان قمري خلال لقائها في برنامج "كلام الناس": "فترة تعب والدي كان في المستشفى وقعدت جنبه، آخر كام يوم الدكتور حس أن خلاص فطلب مننا أن هيبدأ يديله مسكن قوي عشان تعبان ومش قادر ولازم نمضي على إقرار في المستشفى أن هياخد المسكن دا، ماما قالت لأ سيبوه أنا كنت حاسه بوجعه وروحت مضيت على الإقرار، تاني يوم لما أخد المسكن جاتله حاله وتعب وحسيت أن يمكن دا بسبب الجرعة اللي أخدها بعدها بيومين توفى، يوميا المنظر في بالي إني أنا السبب لو كنت موافقتش زي ما ماما رفضت حسيت أن أنا سرعت الموضوع".

وتابعت جيهان قمري: "بس دا ميعاده هو في مكان أحسن من اللي إحنا فيه دلوقتي وأنا مبسوطة أنه مرتاح وبحس إنه بيضحكلي".

وأوضحت جيهان قمري أن وفاة والدها كانت سببا في ابتعادها عن الوسط الفني قائله: "في فترة بعدت مكنتش قادرة اشتغل كنت مش قادرة نفسيا وجسديا، الموضوع حصل فجأة هو أه كان عيان لكن مش لدرجة أنه يسيبنا في 15 يوم الموضوع حصل وهزني جامد ومكنتش مهيأة نفسيا، هو كان بيتعالج وفي خطوات بنعملها لكن فجأة في يوم وليلة".

لو فاتك: وداعا سمية الألفي .. صاحبة قصة حب معرفهاش الوسط الفني قبل كده

لايف ستايل على مدار الساعة