هل يقدم مسلسل عن السيرة الذاتية لوالده؟ عمرو محمود ياسين يجيب

كشف المؤلف عمرو محمود ياسين عن موقفه من تقديم السيرة الذاتية لوالده الراحل النجم محمود ياسين.

وقال عمرو محمود ياسين خلال لقائه في برنامج "حبر سري": "أنا معتقدتش أننا هنقدم السيرة الذاتية لوالدي محمود ياسين، التجارب اللي اتعملت أغلبها منجحش أنا حاسس هيكون من الصعب".

وتابع عمرو محمود ياسين: "بالنسبة لوالدي تحديدا معتقدش أنه كان يحب حاجة زي دي ولو كان حب كان ممكن في دردشات بيني وبينه نقولها، النجوم دول ليهم أعمالهم اللي بتخلد أساميهم كده كده، خلينا نعمل مع ناس تانية الناس مشافتهاش، لو بنعمل سيرة ذاتية لشخصية الناس مش عارفاها اعتقد هيبقى عنده فرص نجاح أكبر".

وخلال اللقاء تحدث عمرو محمود ياسين عن الفنانة ياسمين عبد العزيز وفترة خلافهما ثم عودة تعاونهما معا هذا العام في مسلسل "وتقابل حبيب".

وقال عمرو محمود ياسين إن خلافه مع النجمة ياسمين عبد العزيز، أثناء فترة تعاونهما في مسلسل "اللي ملوش كبير"، كان بسبب سوء تفاهم يتعلق بالدراما وليس نهاية المسلسل كما قيل وقتها.

وأضاف: "فعلا حصل بيني وبين ياسمين مشكلة في مسلسل اللي ملوش كبير، واتقاطعنا فترة، بعدها حصلت تجربة المرض القاسية جدا اللي مرت بها ياسمين، وهنا أدركت إن الست دي غالية علي جدا، وكنت هتجنن علشان أسمع صوتها وأشوفها مرة ثانية علشان نتصالح، والحمد لله ربنا قومها بالسلامة بدعاء الملايين من الناس، ودلوقتي عندنا تفاهم كبير، ونتعاون في ثالث عمل".

مسلسل "وتقابل حبيب" من تأليف عمرو محمود ياسين، وبطولة ياسمين عبدالعزيز، كريم فهمي، نيكول سابا، خالد سليم، صلاح عبدالله، بسنت شوقي، محمود عمرو ياسين، وإنتاج تامر مرسي، إخراج محمد الخبيري.

لايف ستايل على مدار الساعة