يارا السكري عن الشائعات: الصمت عمره ما خذلني
klyoum.com
أخر لايف ستايل:
10 مواقف تكشف قدرة الشخص على التعاونأكدت الفنانة يارا السكري أن الشائعات التي لاحقتها الفترة الماضية لم تزعجها بل هي دليل على أنها تركت أثرا في كل ظهور لها.
وقالت يارا السكري خلال لقائها ببرنامج "أسرار النجوم" مع إنجي علي: "متضايقتش من الإشاعات اللي طلعت وقلت الدنيا ماشية كويس، أحمد العوضي كان بيقولي "إنتي شمسك حامية" قلت له يعني إيه قالي في بنات كتير بتنور زي الشمس بس عادي لكن شمسك حامية يعني كل حاجة بتيجي عندك مبتعديش".
وأضافت يارا السكري: "مش بتضايق من الحاجات دي أنا شخص صبور ودايما مع أي حاجة بتحصل بقول شوية وقت وكل حاجة هتوضح، أنا طول عمري هادية وطول عمري مش برد بس لما كبرت اتعلمت أكتر والصمت عمره ما خذلني بتعامل مع الدوشة بصمت تام، القوة في الصمت في بعض الأمور".
وأوضحت يارا السكري أنها مرت بمواقف صعبة في سن صغير مما جعلها أقوى في تحمل أي شيء قائلة: "مريت بتجارب كتير قاسية في سن صغير جدا بس التجارب دي فادتني بشكل رهيب كونت مني غلاف ضد الرصاص بحبه وبشوف ناس أكبر مني بكتير بيحصل لهم لخبطة في حياتهم بسبب أنهم ممروش بأزمات كتير في سن صغير اللي هي بتنشف العضم".
يذكر أن يارا السكري تشارك في موسم رمضان 2026 بمسلسل "علي كلاي".
ويشارك فى بطولة مسلسل "علي كلاي" إلى جانب أحمد العوضي كل من درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.