ريما الرحباني تستذكر خالتها هدى حداد: تحية حب وتقدير غصب عنك

حرصت ريما الرحباني، ابنة الفنانة اللبنانية فيروز، على معايدة خالتها الفنانة هدى حداد في ذكرى عيد ميلادها، مشيرة إلى أنها لا تعلم تحديداً يوم ميلادها، إلا أنها تعتقد أنها من مواليد "برج الأسد".

ونشرت ريما الرحباني فيديو عبر صفحتها الرسمية على "فيسبوك" لهدى حداد، مرفقاً بماقطع مصورة من كواليس حياتها الفنية، وأغنية "كيف حال الشجر"، وأغنية "من يوم ليوم"، مشيرة إلى أن تلك الأغنيتين هما الأقرب لقلبها.

وكتبت ابنة فيروز رسالة للفنانة هدى حداد، وأعلنت فيها احتفالها بشهر ميلاد خالتها رغماً عنها لأنها لا تحب الاحتفال به فقالت: "لخالتي هدى اللي ما بتحِب المفاجآت! لا البشعة ولا الحلوي.. واللي بتِخجل وبتُهرب من أيْ لَفتة حُب وتقدير!.. بعرف بيت حداد مَوصُوفين بالعناد.. بس يمكن كأنّك ناسية إنّو بيت عاصي بيحطّولكُن وِزِك!؟.. عدا عن إنّو مساقبة أنا ديني ومعبودي المفاجآت!".

وأضافت: "بشهر عيد ميلادِك اللي ما بعرف بنوب أيّة نهار مساقب! بس واثقة إنك أسد!.. حابّة قلّك كلمتين ما بيِنفَع قلّك ياهُن عَ قعدة غدا ولا عَ فِنجان قهوة!".

وعاتبت ريما الرحباني بكلامها الإعلام والدولة اللبنانية بسبب تجاهلهم لاسم وفنّ هدى حداد الذي قدمته منذ عام 1959، وقالت: "إذا دولتنا ساذجة وسطحية وسخيفة وإعلامنا كمان.. وإذا ما حدا منهُن فكّر، مش يكرّمك فَشَروا لأن هنّي بيتكرّموا فيكي.. إنّما فكّروا يعملوا تِجاهك لفتة حُب وتقدير وإمتِنان.. لأنّهن ما شاطرين إلا بقَطع نشرات الأخبار بخبار سخيفة متلُن.. مدري عن مين ومدري عن شو.. بس لأنّهن مشيوا عَ سجادة حمرا أو زحفوا ع شي خشبة مسرح عالمي! أو لأنهن حِكيوا إنْغلِشْ (برغمان) أوْ فرِنسَاوْ! وبما انك انت مش عالميّة إنّما محليّة وحقيقيّة ومش دفّيعة وبتشارعي ضيعة! ما إلك مطرح بولا مطرح! اي شو عليه؟ إيه ومنروح!".

وتابعت ريما الرحباني: "الحمدالله هالمطارح كلّا رَح تُقشط حتماً.. وما رح يبقى إلّا الأصل والأصيل ثقي بي، وصدّقيني، إذا هول ما ذكروكي ولا تذكَّروكي،ما بيعني أبداً يا خالتي، إنّو مَطرحك مش محفوظ بقلوب الناس وبقلبي أنا.. وبقلّك انا والناس منحبّك كتير والضحك إشتقتلك!".

وأشارت في حديثها إلى أنها اختارت الأغنيتين لسّبب ما لم تذكره: "صحيح انا لا عندي سجادة حمرا ولنّي عالميّة.. ولا بعرف قول قدّيش بحب.. والشي الوحيد اللي بعرف عبّر فيه كاميرتي وأفلامي! لهيك منّي يا أهضَم خالة بِتكَرْكَر معها وبضحك من قلبي تحيّة حُب وتقدير غَصْب عنّك بأحلى وأرَق وأحَن غنّيتين إلك وانا وإنتي منعرف ليه! إي قومي ياااااااا.. منيح هيك؟".

وأرسلت ريما الرحباني تحياتها بختام منشورها: "تحيّة حُب وشوْق كمان إلي، وشوقي زيادة وغازي قهوجي.. ودايماً وأبداً إلى عاصي الرحباني".

يشار أن هدى حداد تصغر فيروز بـ9 سنوات ولطالما اعتبرتها مثل والدتها، فكانت ترافقها دائما في كل مكان سواء بدور صغير أو حوار أو لمجرد الظهور بجانبها، يمكنك تمييزها في أغنية "أمي نامت ع بكير" فهي تلك الفتاة ذات الضفيرتين الجالسة بجوار فيروز، وهي الفتاة التي تحب الشاب في أغنية "حيدوا الحلوين"، شاركتها أيضا بأدوار ثانوية مثل الغناء في مسرحية "ميس الريم" و"لولو" و"سهرة حب" ومسرحية "بترا".

وبحسب موسوعة "ويكيبيديا" فإن تاريخ ميلاد هدى حداد هو 15 أغسطس/ آب عام 1944.

لايف ستايل على مدار الساعة