ريهام حجاج تتحدث عن مسؤوليات الأمومة والخطر الذي يواجه الأطفال
klyoum.com
كشفت الفنانة ريهام حجاج رأيها في المسؤوليات التي تواجهها كأم، والمخاطر التي تحيط بالأطفال والأجيال الجديدة، موضحةً أنها تحاول قدر الإمكان حماية أطفالها، خاصة أن موقع الـ"تيك توك" بشكل خاص أصبح يشكل خطراً كبيراً.
وقالت ريهام في إحدى الندوات الصحافية: "الأمومة نعمة كبيرة من ربنا، وأنا مهتمة أوي بالعائلة وأهلي وأصدقائي دول ليهم أولوية في حياتي، والأمومة مسؤولية كبيرة جداً ولكنها ممتعة، والمسؤولية في الفترة دي أصعب لأنك بتجيبي أطفال في عالم مدربك والدربكة دي واصلة جوا بيوتنا، خاصة السوشيال ميديا ودايماً عندنا قلق وخوف من اللي جاي، العالم اتغيّر ومكناش متخيلين وإحنا صغيرين إننا هنشوف حاجات زي كده".
وتابعت: "الجيل الجديد رهيب في التكنولوجيا وإنك تسيبي موبايل مع ابنك ده العالم، إحنا زمان كان في كلام عيب نتكلم فيه وحاجات كتير مينفعش نفهمها في سنّ صغيرة، وحاجات عرفناها في السنّ الصح، ودلوقتي الولاد بيدخلوا على التيك توك هيشوفوا حاجات مش صح إنهم يشوفوها ودي حاجة خطر على الأجيال الجديدة".
يُذكر أن ريهام حجاج، شاركت في موسم رمضان الماضي من خلال مسلسل "أثينا"، وهو مكوّن من 15 حلقة، وشارك في البطولة كل من: سوسن بدر، أحمد مجدي، نبيل عيسى، محمود قابيل، سلوى محمد علي، ميران عبد الوارث، شريف حافظ، تامر هاشم، تأليف محمد ناير، وإخراج يحيى إسماعيل.