بسمة بوسيل تكشف رد فعل تامر حسني بعد تصريحاتها المثيرة للجدل عن فترة زواجهما وطلاقهما

كشفت الفنانة بسمة بوسيل عن رد فعل الفنان تامر حسني بعد ظهورها في برنامج "عندي سؤال" وحديثها عنه وعن طلاقهما وإثارتها للجدل وقتها لما قالته.

وأكدت بسمة بوسيل خلال لقائها في برنامج "رشيد شو" أن تامر حسني لم يعاتبها بل على عكس الجميع هو فهم ما قصدته في حديثها، وقالت: "معاتبنيش وكان بيفضل يقولي "ماشي" هو قالي طالما أنتي حسيتي عايزة تقولي كده أوكي، هو عارفني وفهم كلامي لكن الناس فهمت كلامي غلط".

وتابعت: "كان في مشكلة الناس شافوني وأنا صغيرة وبعدها اتجوزت وكنت بعيدة عن الأضواء ويعرفوا معلومات عني عن طريق الصحافة، 10 سنين وأنا بعيدة والناس ميعرفوش إزاي كبرت وإزاي بفكر وإزاي اتغيرت، لما ظهرت في اللقاء حكيت اللي عشته وقلت إني ندمت لأني كنت صغيرة وحكيت اللي حساه".

وأكدت بسمة بوسيل خلال اللقاء أن تامر حسني لم يفرض عليها الاعتزال وترك الغناء لكنها اختارته هو وحياتها الأسرية معه عن الفن موضحة: "هو مفرضش عليا هو مكانش عايزني أغني وقالي أقدر أخليكي تقدمي ألبوم، لكن أنا وقت ما أعلنا عن زواجنا كان فيه حملات هجوم عليا وأنا كنت صغيرة في السن وأتأثرت بالكلام لما كبرت بقيت أقوى وبقيت أقدر استحمل لكن وأنا صغيرة مكنتش بستحمل التعليقات".

وأكملت بسمة بوسيل: "السن بيلعب دور كبير في قرارات الإنسان، وقتها كانوا بيكتبوا ليه يتجوز مغربية مكنتش قادرة استحمل وقررت انسحب، كانوا بيقولوا دي كانت في ستار أكاديمي وأنا كنت فخورة أني في البرنامج، هو بالنسبة ليا كان أهم وحتى دلوقتي هو أهم ولكن كأب لأولادي ولم أندم على أني تركت الفن للزواج لكن ندمت على الزواج المبكر".

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

لايف ستايل على مدار الساعة