هنا الزاهد: روحت لدكتور نفسي بسبب "إقامة جبرية" وصابرين خافت مني بجد

حكت الفنانة هنا الزاهد عن كواليس مسلسل "إقامة جبرية" وتحضيرها للشخصية.

وقالت خلال حلولها ضيفة على برنامج "معكم" من تقديم منى الشاذلي: "أول ما الدور جالي اتخضيت جدا وقلت لا، لكن المؤلف أحمد عادل أول مرة ينتج وقالي أن دا مشروع عمره وشايفني فيه، لما بعتلي وقريت أول حلقات كنت زي الناس عايزة أعرف إيه بيحصل، أنا بحب "سلمى" أوي، أول ما قريت الورق كنت بعمل مشروع تاني ووقفته اعتذرت لهم مع إني كنت خلاص هدخل أصور، لكن قلت لأ ورحت لـ"سلمى".

وعن تحضيراتها للدور قالت هنا الزاهد: "اشتغلت أوي على الدور ورحت لدكتور نفسي عشان أعرف هي ليه ممكن "سلمى" تعمل كده حكيت ليه قصة المسلسل، واتفرجت على حاجات كتير أوي عشان أعمل الدور".

وعن أكثر المشاهد التي أحبتها قالت: "بحب مشهد في أول حلقة بعد ما قتلت جوزها، وتشوف واحدة بيتقدم لها حبيبها وبتقف تعيط، حتى لما وقفوا تصوير أنا فضلت أعيط وانهرت بجد وثراء جبيل فضلت تهديني كأني فعلا اللي عامله الجريمة".

وتابعت: "ومشاهد كتير مع أستاذة صابرين وأنا بشرح لها الجرايم اللي عملتها، في مشهد صعب جدا جدا مع صابرين وهي خافت أوي فيه وقالتلي أنا للحظة فصلت أن في كاميرا وخفت بجد وحست أني فعلا مجنونة".

مسلسل "إقامة جبرية" من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي. تأليف أحمد عادل، وإخراج أحمد سمير فرج.

لايف ستايل على مدار الساعة