وفاء عامر: قررت أسترد شقة إبراهيم شيكا لأنها عاملة مشاكل بين زوجته وأمه
klyoum.com
كشف النجمة وفاء عامر عن أنها قررت استرداد الشقة التي قامت بجمع أكبر جزء من ثمنها للاعب الراحل إبراهيم شيكا.
وقالت وفاء عامر خلال لقائها مع الإعلامي أحمد سالم في برنامج "كلمة أخيرة" المذاع عبر قناة ON: "أنا بيصعب عليا الطفل اليتيم، وقبل ما إبراهيم يموت رحت عندهم البيت، ولقيت مينفعش واحد عنده جروح في جسمه يسكن في بيت والحمام بالشكل ده، وابتديت أجمع ثمن مكان يقعد فيه من ناس حواليا، ولا من تيك توك ولا من فيسبوك، والشقة لسه فاضل عليها 150 ألف جنيه".
وأضافت وفاء عامر: "أنا من خلالك بقول عايزة الشقة دي لأنها عاملة مشاكل بين مراته وأمه، كنت طلبت الشقة تتكتب باسمها وأنا جامعة أكبر رقم فيها، وعملوا الشقة باسم إبراهيم واللي توقعته حصل".
وتابعت وفاء عامر: "علشان كده هخلي محامي بالفلوس اللي إحنا دافعينها هيعملوا توكيل وهنسترد الشقة ونديها لأي حد، مش جايز أنا بعمل كده علشان أخليها لأولاد إبراهيم".