محمد علي: أنا مش عمر ابن محسن محي الدين
klyoum.com
انتشرت مؤخرا صورة للنجم محسن محي الدين وهو يقف بجوار شاب يشبهه لحد كبير، وظن البعض أنه ابنه عمر، ولكن الشاب، محمد علي، نفى أي صلة قرابة تجمعه بالفنان الشهير.
نشر الممثل الصاعد محمد علي فيديو عبر حسابه عبر تطبيق Tik Tok يتحدث فيه عن الخطأ الذي انتشر عبر صفحات التواصل الاجتماعي، قائلا: "يا جماعة أنا ماسميش عمر، ومش ابن الاستاذ محسن محي الدين ومافيش أي صلة قرابة بيني وبينه، كنت حابب أطلع اوضح النقطة دي، لأن في صورة متداولة بشكل كبير جدا على الفيسبوك وانستجرام، إن أنا ابن الاستاذ محسن محي الدين، وأنا مش ابنه".
وتابع محمد علي: كل الموضوع إن أنا شاب بمثل، طالب في المعهد العالي للفنون المسرحية، وبشتغل مسرح، فمعظم الناس في المسرح بتشوفني بتفكرني ابن الاستاذ محسن محي الدين عشان فيا ملامح منه في شبابه، بس أنا كنت حابب إني أشوف وأقابله وبالفعل رحب، وكان جميل جدا، وإداني بعض النصائح، وهو فنان جميل جدا، وكنت حابب أوضح النقطة دي.
وأضاف محمد علي: أنا ببتدي مشواري الفني، ولسه في البداية، وآخر حاجة كنت عاملها كانت مسرحية "مشيرة الخطيرة"، بطولة الأستاذة ليلى علوي في موسم الرياض.