سيد رجب يكشف سر إطلاق لقب "سيد المقهور" عليه

تحدث الفنان سيد رجب عن فكرة أن ملامح وجه الفنان قد تحتم عليه تقديم أدوار محددة.

وحكى سيد رجب خلال لقائه في برنامج "ضيفي مع" مع معتز الدمرداش: "زمان في أوائل الثمانينات كنت في فرقة مسرح وكانوا بيسموني "سيد المقهور" أي دور فلاح أو غلبان أو شحات أقدمه، وأنا كنت متنرفز جدا لأن أنا شايف إني ممثل عايز أمثل وأنتوا بتدوني أدوار وحشه".

وأكمل سيد رجب: "لغاية ما جات سنة 1983 الأستاذة منحة البطراوي كانت بتعمل مسرحية "أمنا الغولة" وكانت عايزة اللي يعمل الدور راجل عشان يبين هي قد إيه شريرة، أنا وناس تانية كنا في تدريبات وكنت مصر إني أعمل دور "أمنا الغولة" عشان أثبت إني مش بس في دور المقهور وبعد مجهود كبير أخدت الدور ونجح والناس انبسطت ومن ساعتها مبقتش "سيد المقهور" ومن ساعتها بقول إني أقدر أعمل أي دور لأن الممثل يقدر يطلع كافة المشاعر والأحاسيس لأن كل إنسان بيمتلك الخير والشر والقوة والضعف، الممثل يجب أن ينوع في أدوره عشان ميتحولش لنمط".

يشار إلى أن سيد رجب يشارك في موسم رمضان 2025 بمسلسل "الغاوي".

مسلسل "الغاوي" من بطولة أحمد مكي وعائشة بن أحمد وعمرو عبد الجليل وأحمد بدير وأحمد كمال ومحمد لطفي وتامر شلتوت وكزبرة وولاء الشريف وعبير فاروق ويارا المليجي.

"الغاوي" من تأليف محمود زهران وطارق الكاشف وتأليف ماندو العدل ويتكون من 15 حلقة.

لايف ستايل على مدار الساعة