فيديو - إلهام شاهين تكشف حقيقة مطالبتها بتدريس مسيرتها الفنية في مناهج التعليم: أنا مش مجنونة علشان أقول كده

تحدثت الفنانة إلهام شاهين عن حقيقة مطالبتها بتدريس مسيرتها الفنية في المناهج التعليمية، قائلة إنها شائعة غير صحيحة، معقبة: "دي تفاهة وهيافة من الناس اللي بتكتب واللي بتصدق".

وتابعت الفنانة إلهام شاهين، خلال مداخلة هاتفية مع الإعلامية نهال طايل خلال برنامج "تفاصيل" على قناة "صدى البلد 2": "اللي قال عني الكلام ده ينزل الفيديو اللي قولت فيه كده، أكيد لو الكلام اللي قولته هيبقى مسجل في جهة ما، أنا بستغرب من اللي عمل كده وهو شخص مستفز وعمل كده علشان الناس تهاجمني واللي عملوا كده لجان سوشيال ميديا، واللي بيعلق مصدق ليه، هل أنت شوفتني أنا قولت كده!؟"

وأشارت الفنانة إلهام شاهين، إلى أنها لن تطالب بذلك الأمر، ومن يقول ذلك فهو شخص مجنون، مردفة أنها عقلانية للغاية ولا يمكن أن تقول تلك التصريحات.

وشاركت الفنانة إلهام شاهين في موسم رمضان 2025 بمسلسل "سيد الناس".

مسلسل "سيد الناس" من بطولة: عمرو سعد، إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوى، نشوى مصطفى، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي.

لايف ستايل على مدار الساعة