رسائل حرة مباشرة لنجوم دراما رمضان 2025 (النص الأول)
klyoum.com
أخر لايف ستايل:
تدهور قدرات بروس ويليس.. والزوجة تكشف تفاصيل جديدة- "شهادة معاملة أطفال"- هل الفنان محمود حافظ ممثل بيقدم شخصيات فنية أم شخصية فنية واحدة اسمها محمود حافظ؟
- "عقبال عندكو"- إيمي سمير غانم... انت موهوبة ودمك خفيف بجد، ليه بقى بتعملي كده في نفسك؟
ـ "قلبي ومفتاحه"- بحبك جدا يا دياب مغني وممثل ... بس لو مبطلتش تطلع شرير مع زوجاتك في مسلسلات رمضان هبلغ عنك المجلس القومي للمرأة.
ـ "سيد الناس"- أنصح الفنانة الجميلة سلوى عثمان بعد ما تخلص تصوير مسلسلها تعلن عن ورشة لتدريب الممثلات على البكاء في أول ليفل، ومن تجتازه تلتحق بليفل اللطم.
- "معاوية"- معروف يا جماعة ... لا بناخد دين من مسلسلات دينية، ولا تاريخ من مسلسلات تاريخية، ولا تمثيل من أسماء جلال.
- "جريمة منتصف الليل"- رانيا يوسف قالت احنا مش لابسين بدل رقص في رمضان، احنا لابسين حاجات مقفولة زي الجلاليب ... أيوه صح دي جلاليب عارفين عارفين.
- "ولاد الشمس"- طه دسوقي ... طلة وحضور وكاريزما ... مصروف له قبول خطير، هو وعصام عمر هيغيروا كل معادلات السوق الكام سنة الجايين؟
- خلطة "سامي"بدأت تواجه مصير خلطة "السبكي" ... الناس مبقتش عارفه هي بتتفرج على مين والمسلسلات دخلت في بعض.
- "رامز إيلون مصر"أضعف مواسم برنامج رامز جلال، حاول يا رامز تستغل الإمكانيات الضخمة المتوفرة لك وتقدم فكرة جديدة تضحك الناس شوية.
- أيمن بهجت قمر- "دول الدفا مش معرفة ... دول اللي جوه نني العين" ... في إعلان (أورنج)، دي أجمل جملة اتقالت في أغاني رمضان لحد دلوقتي.
- "العتاولة 2"– فيفي عبدة طالعه بدورين ... يهده الـAI
- "سيد الناس"– المخرج: بصوا يا جماعة أنا عاوز تعبير بملامح الوش.
- إلهام شاهين: بس كده ... طب خد.
- بهاء سلطان "صاحبي يا صاحبي" تتر مسلسل "ولاد الشمس" هو الأفضل حتى إشعار آخر، كلمات منة القيعي وألحان أحمد طارق يحيى.