بشرى ترد على انتقادات علامات التقدم في السن: مش لازم أشيل كل التجاعيد والكرمشة اللي بتبان

ردت الفنانة بشرى على الانتقادات التي توجه للفنانات بسبب علامات التقدم في السن التي تظهر على وجههن.

قالت بشرى: "أنا بعمل الحاجات الطبيعية لكن مش لازم أشيل كل التجاعيد والكرمشة اللي بتبان في وش الممثل لما يضحك أو يتعصب، دي حاجات طبيعية ومهمة تكون موجودة، وأنت من حقك تنتقدني بأدب، لكن لو هتقل أدبك هخدك القسم وأخد حقي"، وذلك على هامش تواجدها بمهرجان الإسكندرية للفيلم القصير.

وتابعت بشرى: في مسلسل "سيد الناس"، قصدت إني مطلعش بماكياج لأني أم وست جاية من برا مصر، وهما معندهمش البهرجة ورفاهية البوتوكس والماكياج، وده رد غير مباشر على فكرة التركيز على هوَس الجمال، وإن الست لازم تكون حلوة.

مسلسل "سيد الناس" من بطولة: عمرو سعد، إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوى، نشوى مصطفى، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي.

لايف ستايل على مدار الساعة