نرمين الفقي ونسرين أمين وسوسن بدر من بينهم … النجوم يحتفلون بعيد ميلاد ريهام سعيد

احتفلت الإعلامية ريهام سعيد بعيد ميلادها مبكرا هذا العام، فعيد ميلادها يوافق 31 مارس.

وحرص عدد من النجوم على حضور حفل عيد ميلاد ريهام سعيد والاحتفال بها ومنهم الفنانة نرمين الفقى ونسرين أمين وسوسن بدر وإيهاب توفيق ومحمود عبد المغنى والمنتج أحمد أيوب وماجد عبيد والمطرب أحمد الحصرى والمنتج ممدوح شاهين وغيرهم من الأصدقاء.

ونشرت نرمين الفقي بعض الصور عبر حسابها على Instagram وكتبت: "حبيبتي ريهام سعيد كل سنة وإنتي طيبة وسعيدة عقبال 100 سنة كان يوم جميل وجمعتي كل الأصحاب".

وكانت ريهام سعيد أعلنت أنها ستختفي لفترة عن الاضواء وكتبت عبر صفحتها على Facebook: "سأختفي لمدة طويلة حتى تعود لى روحي ونفسي وطموحاتي.. أشباه البشر كتير أوي، وأنا زهقت من لعب دور الضحية، بس أنا فعلا بيتضحك عليا سهل أوي، ومش عارفة أتعامل مع حد.. كله يالا نفسي.. وأنا محدش شاف مني غير كل خير، الفترة اللي فاتت مريت بحاجات كتيرة أوي وتعرضت للتشويه، مش بس الشكل.. السمعة كمان قبل تشويه الشكل.. 8 سنين من تشويهي عشان أقع.. حرب غريبة عشان مشتغلش في الإعلام وفي التمثيل.. من مين؟.. معرفش".

واختتمت كلامها: "تعبت خلاص من الحروب غير المبررة.. الناس شريرة أوي أوي ليه؟؟؟؟.. تعبت من الغيرة والحقد.. تعبت.. أنا حبيت وأخلصت في كل حاجة عملتها في حياتي.. مش حاسة إن دي النهاية.. حاسة إني جزائي موجود وموجود في الدنيا مش بس في الآخرة".

لايف ستايل على مدار الساعة