رسالة أحمد شامل عزمي إلى أسرة أسما شريف منير عقب عقد قرانهما: أهلها الطيبين علموني حاجات كتير

شارك أحمد شامل عزمي متابعيه عبر صفحته في موقع التواصل الاجتماعي إنستجرام صورا جديدة من حفل عقد قرانه على البلوجر أسما شريف منير.

وكتبت أحمد شامل في التعليق على الصور: "‎أنا متشرف جداً ان اسما مراتي، وأهلها الطيبين المحترمين، اللي عندهم احساس بالبشر، علموني حاجات كتير. بشكر والد أسما على الثقة اللي ادهالي، وعايز أطمنه إن أسما في عيني، وبوعده إني هبذل أقصى ما عندي عشان اسعدها".

وأضاف: "‎رايي الشخصي ان العلاقات دايماً بتحتاج مجهود من الطرفين عشان يحتووا ويقدروا بعض. الرجالة بالذات عليهم دور القوامة و ده في الدين، بس القوامة مش معناها التسلط، زي ما اغلب الرجاله فاهمة! هي رعاية ومسؤولية. الراجل لازم يكون داعم وسند لمراته ويتعامل معاها برحمة واحترام. لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وحاجة فيها هدوء وامان".

وتابع: "عندي رساله بسيطة اوي، دوروا على رضا ربنا و إسعي وتوكل علي ربنا، بالمعاملة الكويسة، الرحمة، وحب الخير مش هتلاقوا غير خير و رزق واسع و اماني بتحقق".

يذكر أن أحمد شامل عزمي متخصص في الرقص المعاصر والحركة الإبداعية.

وكانت أسما شريف منير فاجأت متابعيها بعقد قرانها على أحمد شامل عزمي، وكتب في التعليق على صور عقد القران: "أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود".

الألبوم إعداد – محمد سليم

لايف ستايل على مدار الساعة