سحر رامي: أنا بعت كل دهبي ومعنديش أملاك
klyoum.com
أخر لايف ستايل:
النجوم يحتفون بعيد ميلاد الأمير محمد بن سلمانكشفت الفنانة سحر رامي عن فلسفتها في الحياة مؤكدة أنها لا تحب أن يكون لديها أملاك كثيرة بل تفضل دائما البساطة.
وقالت سحر رامي خلال لقائها في برنامج "أسرار النجوم" مع إنجي علي عبر إذاعة وقناة "نجوم FM": "أنا مش عايزة حاجة أنا معنديش دهب أنا بعت كل الدهب اللي كان عندي، مكنتش مضطرة أبيعهم لكن مسكت كل الدهب بتاعي ومعنديش حاجة".
وتابعت سحر رامي: "مش عايزة يبقى عندي حاجة خايفة عليها مش عايزة المقتنيات والأملاك مش عايزة بيت في الساحل وبيت في السخنة ليه هعيش هنا وهنا هعيش في حتة واحدة وفي الآخر الواحد قاعد في أوضة".
ووجهت سحر رامي نصيحة لجمهورها: "أنا مبقتش عايزة حاجة معنديش الهلع دا وانصح كل الناس ميبقاش عندهم الرغبات دي، معنديش حاجة في البيت أخاف عليها حد يسرقها".
يذكر أن سحر رامي شاركت في رمضان 2026 بمسلسل "اتنين غيرنا" ومسلسل "توابع".
مسلسل "اتنين غيرنا" من بطولة آسر ياسين ودينا الشربينى وفدوى عابد ونور إيهاب وهنادى مهنا وناردين فرج وأحمد حسن، وهو من تأليف رنا أبو الريش وإخراج خالد الحلفاوي.
ويشارك في بطولة مسلسل توابع بجانب ريهام حجاج: أسماء أبو اليزيد، أنوشكا، محمد علاء، هاني عادل، وغيرهم من الفنانين، ومن تأليف محمد ناير ومن إخراج يحيى إسماعيل.