محمد نور يكشف سبب انفصال نادر حمدي عن "واما"

رد الفنان محمد نور على الشائعات التي انتشرت الفترة الماضية حول سبب انفصال الفنان نادر حمدي عن فريق واما ووجود خلافات بينهم.

وقال محمد نور خلال لقاء مع "عرب وود": "إحنا اصحاب مفيش أي حاجة هو بس مركز في التوزيع وإحنا مركزين في الغنا، يعني في حد كان بيلعب في النادي الأهلي والناس بتحبه أوي وبعد كدا راح الزمالك وبعد كدا راح برا مفيش مشكلة خالص والنادي الأهلي مكمل برضو".

وكان جمهور فريق واما فوجئ بغياب الفنان نادر حمدي عن الفريق في الحفلات التي أحياها مؤخرا وبعدها غاب أيضا عن الأغنية التي طرحها الفريق مما أكد انفصاله عنهم.

يذكر أن فريق واما طرح مؤخرا أغنية "يا قلبي".

أغنية "يا قلبي" من كلمات عمرو المصري، ألحان محمود أنور، توزيع محمد ياسر، والكليب من إخراج محمود أنور.

وتقول كلمات أغنية "يا قلبي":

"يا قلبي، يا قلبي، يا قلبي

عيونه ليل وهادي

بيخطف قلبي عادي

بياخد مني روحي معاه

ده غيره الناس أسامي

وهو مع احترامي

يقف قدام وكله وراه

يا قلبي

ده إيه الإحساس ده كله

أمانة عليك تقوله

عن اللي بحس بيه وياه

وياه

يا محظوظ حظ عالي

بقيت بسهر ليالي

بفكر فيه وبستناه

ده ليه أسلوب طريقة

تجنن في الحقيقة

خيال بصراحة مش معقول

دي ضحكة عينه ليا

دي بتخلص عليا

وقلبي يدق ليه على طول"

لايف ستايل على مدار الساعة