مروة نصر تكشف عن معاناتها: قعدت في المستشفى 6 شهور مش عارفين أنا عندي إيه

كشفت المطربة مروة نصر عن فترة صعبة عاشتها ظلت بسببها لمدة 6 شهور مريضة وتذهب إلى المستشفى ولا تعرف ما بها وإن كان هذا بسبب سحر أو عمل.

وحكت مروة نصر خلال لقائها في برنامج "قعدة ستات" مع مروة صبري: "أول فترة بعد ما اتجوزت قعدت في المستشفى 6 شهور مكنوش عارفين أنا عندي إيه، عملت عمليات كتيرة أوي منهم دكتور كبير جدا من أكبر الدكاترة في مصر".

وتابعت مروة نصر: الدكتور قالي لازم نعمل العملية بكرا كان بيطلعلي "دمل" في بطني يكبر 6 سم وبعدين ينفجر، ليلة العملية عملي سونار لما دخلت يعمل العملية وخرجت قالي مروة اللي شفته في السونار ملقتهوش ولحد دلوقتي معرفش إيه دا".

وأكملت مروة نصر: "رحت عملت عمرة أول ما رجعت البيت دخلت الحمام لقيت الأرض كلها تقريبا دم وبعد كده بقيت شخص طبيعي جدا، عملت العمليات دي كلها 6 شهور من مستشفى لمستشفى من عملية لعملية محدش عارف كان عندي إيه، الله أعلم سحر أو عمل بس من بعد اليوم دا متوجعتش في بطني تاني".

يذكر أن أحدث أعمال مروة نصر أغنية بعنوان "بالصدفة البحتة".

أغنية "بالصدفة البحتة" كلمات أحمد سرور وألحان مصطفى الشعيبي وتوزيع كريم أسامة.

لايف ستايل على مدار الساعة