آمال ماهر تكشف هل تفكر في الاتجاه للتمثيل

كشف الفنانة آمال ماهر عن رأيها في فكرة دخول عالم التمثيل خاصة بعد تصوير أغاني ألبومها الجديد "حاجة غير".

وقالت آمال ماهر خلال لقاء مع ET بالعربي: "ممكن بس أنا بعذر الممثلين بجد والله بيتعبوا جدا دا الكليب هلكت، لو فيلم كامل أو مسلسل صعب جدا".

وعن تجربة تصوير أغاني ألبومها الجديد وتقديمها مشاهد تمثيلية قالت آمال ماهر: "بشكر كل اللي اشتغلوا معايا وبشكر المخرج سمير سرياني اللي طلع حاجة فيا أنا معرفهاش مكنتش عارفة أني بعرف أمثل كنت يا دوب أقدر لو الدور متطلب في أي أغنية إني أعمل حاجة بسيطة أعملها وخلاص لكن أن الناس تقول لأ دي آمال لازم تمثل شفت التعليق دا كتير جدا".

وتابعت آمال ماهر: "المخرج سمير سرياني نفسه مش مصدق، قبل ما نصور طلب مني أمثل مشهد عشان يشوف تعبيراتي لكن رفضت وقلت مش هعمل كده، قلت له على الكاميرا كله بيظهر، الممثل اللبناني إيلي متري ساعدني في حاجات كتير، وقالي أنه مش قادر يصدق أن دي أول مرة أمثل فيها".

يذكر أن آمال ماهر طرحت أحدث ألبوماتها الغنائية بعنوان "حاجة غير"، الذي تتعاون في مع مجموعة من أبرز صناع الاغنية.

ويضم ألبوم آمال ماهر "حاجة غير" 10 أغنيات هي: "حاجة غير، اتراضيت، يا جبروتك، لو لينا عمر، نسيت اسمي، ليه سكتوا، مضمونة، رقم واحد، عقدة حياته، خبر عاجل".

لايف ستايل على مدار الساعة