سالي عبد السلام تكشف سر خسارتها للوزن بعد الولادة

كشفت الإعلامية سالي عبد السلام سر خسارتها للوزن بعد الولادة.

ونشرت سالي عبد السلام فيديو حكت فيه ما حدث معها وما مرت به من اكتئاب بعد وصول وزنها إلى 110 كيلو، وكيف خسرت الوزن ووصلت إلى 76 كيلو.

وكتبت سالي عبد السلام تعليقا على الفيديو: "الناس بتقولى إزاي خسيتي ورجعتي تاني في وقت قصير كده؟ أكيد هقول ومش هخبي زي غيري ويمكن ده دوري إني أقول الحقيقة بس أول إجابة عندي هي من كتر التنمر والتريقة وخفة الدم اللي حصلت فيا وأنا حامل ده كان أكبر حافز عشان مكملش فى الاكتئاب بجد!".

وتابعت سالي عبد السلام: "لا أنا عارفة إن كان شكلى صعب أوي بس مكنتش عايزاهم يضايقوني أوي كده وأهم إنجاز إني إني رضعت طبيعي وهارون مدخلش حضانة الحمد لله وكملت لفترة واللي ساعدني الفيتامينات مع أن اتقالي مش هترضعي طبيعي وربنا كرمني وعملت كل اللى عليا ربنا يعلم .. وفى نفس الوقت أول ما وقف إدرار اللبن كان لازم اظبط نفسي وأهم حاجة نفسيتي وكنت بعيط كل يوم ، مش هقولكم المياه والرياضة زى ناس انا أخدت مونجارو".

وأكملت سالي عبد السلام: "أنا رحت عيادة وعلى فكرة لازم نظام غذائي ونوقف والسكر والنشويات عشان نخس ومنتعبش ويحصل مضاعفات ولو وقفنا فجأة نتخن لازم تتبطل بنظام يا رب محدش يعدي بكل اللى أنا عديت بيه ومن فضلكم ادعولى كتير".

ورزقت سالي عبد السلام بطفلها الأول "هارون" يوم 25 مارس.

وكتبت سالي عبد السلام عبر حسابها على Instagram: "ما شاء الله اللهم بارك رزقنا الله "هارون مؤمن الباز" بلا حول منا ولاقوة بكرم وفضل الله وبالدعاء ودعواتكم، الحمد لله الحمد لله الحمد لله حمدا كثيرا الحمدلله يا ربي شكرا على كل دعواتكم وجبر ربنا واستجابته شكرا بجد".

لايف ستايل على مدار الساعة