أسما شريف منير: مفيش وقت متأخر إننا نبدأ نتعلم قرآننا وسنة نبينا ... اللي محتاجينه خطوات بسيطة

شاركت أسما شريف منير جمهورها ببعض النصائح للتقرب من الله وتعلم الدين.

ونشرت أسما شريف منير فيديو جديد لها تحدثت فيه لجمهورها عن خطواتها لتعلم الدين بشكل صحيح.

وكتبت أسما شريف منير: "بصوا، مفيش وقت متأخر إننا نبدأ نتعلم قرآننا وسنة نبينا بجد. الموضوع مش محتاج تبقوا علماء، كل اللي محتاجينه خطوات بسيطة:

وتابعت لتتحدث عن هذه الخطوات قائلة: اقروا كل يوم آية أو اتنين مع تفسيرهم

شغّلوا قرآن بصوت بتحبوه وخَلّوا ودنكم تتعود

خدوا حديث قصير في اليوم وحاولوا تطبقوه في حياتكم

اتفقوا مع صحابكم تشاركوا بعض كل يوم آية أو حديث

وخلي نيتك دايمًا لله مش علشان درجات ولا شهادة

خطوة صغيرة كل يوم ممكن تغيّر حياتنا كلنا.

وكانت أسما شريف منير أعلنت في بداية سبتمبر الجاري ارتداء الحجاب، ووجهت عبر صفحتها الرسمية في موقع التواصل الاجتماعي إنستجرام رسالة لمتابعيها.

وقامت أسما شريف منير بحذف صورها السابقة بدون الحجاب، ونشرت صورا جديدة لها بالحجاب برفقة زوجها.

وكتبت أسما شريف منير: " الحمد لله مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح. الحجاب مش مجرد لبس.. ده قرار من القلب، عهد بيني وبين ربنا، وراحة ما تتوصف".

وأضافت: "ادعولي بالثبات و محتاجة اماكن للبس حلو يساعدني علي الخطوة دي."

يذكر أن أسما شريف منير احتفلت في يونيو الماضي بزواجها.

لايف ستايل على مدار الساعة