منة فضالي تنفي خلافها مع ياسمين عبد العزيز: بحبها جدا ومبتعملش مشاكل

أنهت الفنانة منة فضالي الجدل الذي أثير خلال الأيام الماضية وحديث البعض عن أزمة بينها وبين الفنانة ياسمين عبد العزيز في كواليس مسلسل "وننسى اللي كان".

وظهرت منة فضالي في فيديو قالت فيه: "الفيديو دا بعمله نظرا للجدل اللي حصل اليومين اللي فاتوا دول وأنا مش مبسوطة كل واحد بيكتب على مزاجه، الفيديو دا عشان ياسمين عبد العزيز الست دي أنا بحبها جدا وبحترمها جدا على المستوى الشخصي والإنساني ومعنديش أي مشاكل معاها خالص لأن ياسمين مبتعملش مشاكل أساسا ومعنديش مشاكل مع أي حد في الشغل ولا في المسلسل ولا الشركة المنتجة".

وتابعت منة فضالي: "ممكن يكون عندي مشاكل تانية مش متعلقة بالمسلسل أو مش بحد معين، أنا بباركلها على المسلسل وببارك لكل زمايلي وبدل ما نكتب كلام مش لذيذ اكتبوا رأيكم في المسلسل وفيا وفي كل زمايلي ومش عايزة جدل كتير وكلام كتير أنا مقلتوش أنا بحبكم جدا وبشكركم على الرسايل، إحنا تعبانين وبنشتغل تحت ضغط وصايمين فخفوا علينا شوية كلام".

وكانت منة فضالي أثارت الجدل بمنشور عبر فيسبوك كتبت فيه: "عبث وعدم احترام وعدم تقدير… خسارة والله اللي بيقدر حد وبيحترم حد في الزمن ده"، وهو ما فسره البعض بأزمة في المسلسل.

ويجمع مسلسل "وننسى اللي كان" في بطولته إلى جانب ياسمين عبد العزيز كوكبة نجوم، أبرزهم كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.

بيتر ميمي يرد على كابتن إيلا بعد تعليقها على مسلسل "صحاب الأرض"

لايف ستايل على مدار الساعة