فيديو - أحمد سعد يكشف كواليس مشاركة شقيقه عمرو في كليب" أخويا": الناس محتاجة تشوف طريقتنا الحقيقية اللذيذة

كشف النجم أحمد سعد كواليس مشاركة شقيقه النجم عمرو سعد في كليب "أخويا"، ضمن أغاني ألبومه الجديد "بيستهبل".

وقال أحمد سعد في مداخلة مع الإعلامي شريف عامر في برنامج "يحدث في مصر" المذاع عبر قناة MBC مصر: "طبعا في الأول اتكسفت أقول لعمرو يظهر معايا في الفيديو، لأن عمرو طبعا نجم كبير وله معجبينه، وأكيد عمري ما هعرض على ممثل يظهر معايا في الكليب حتى لو أقل من عمرو".

وأضاف أحمد سعد: "عرضت عليه وبعد كده اتكسفت وقلت له مش هتبقى حلوة، لكن عمرو قال أنا موافق وهو اللي شجعني".

أوضح أحمد سعد أنه حرص على إظهار الطريقة الطبيعية لتعامله مع شقيقه عمرو في الكليب قائلا: "الناس مش محتاجة تشوف مشاعرنا لبعض لأنها معروفة جدا، محتاجين يشوفوا الطريقة الحقيقية اللذيذة".

وردا على سؤال حول كواليس اختياره لأغنية "بطة" لتكون ضمن ألبومه الجديد، قال أحمد سعد: "أنا عن نفسي كان عندي هدف مهم جدا في الألبوم ده، وهو إني أستهدف الأطفال، أنا بحب جدا لما الأطفال تحب أغانيا، والفترة اللي فاتت كنت بشوف أطفال صغيرين جدا بيقولوا اختياراتي مدمرة حياتي!"

وأشاد أحمد سعد بالألبومات الغنائية التي تم طرحها مؤخرا بقوله: "بقالنا 10 أو 15 سنة أول مرة يكون في حجم الألبومات اللي نزلت وكلها مميزة، إذا كان رامي جمال أو تامر حسني، وطبعا على رأس كل الألبومات نجمنا الكبير عمرو دياب".

لايف ستايل على مدار الساعة