فنان شاب يكشف سراً عن تامر حسني: "لن أنسى هذا الموقف له ما حييت"

تامر حسني

كشف الفنان وائل الفشني خلال تصريحات صحافية عن موقف جمعه بالفنان تامر حسني، سانده فيه، مشيرًا إلى أنه يحب تامر حسني ويحب سماع أغانيه دائمًا.

وقال الفشني، إنه يحب الفنان تامر حسني، ويحب سماع صوته، مضيفًا: "هو ورامي صبري وحماقي، موضحًا أن رامي هو عِشرة عمره.

واستكمل قائلا: "رامي صبري صوت من الأصوات اللي أنا بعشقها هو وحماقي ومن أكتر الأغاني اللي بحبها لحماقي أغنية مابلاش، وأنا الناس بتحب صوتي وبتحب الشجن اللي في صوتي عشان اتعودت عليه".

وذكر الفشني موقفاً خاصاً حدث بينه وبين تامر قائلًا: "قابلته مرة زمان في ستوديو بالشيراتون، كنا واقفين نشرب سجاير وهو بيتضايق جدًا منها، فدخل زعق لصحابه، وأنا اتكسفت لأني معرفوش فخرجت برا، وهو ساب كل حاجة وجاء يصالحني ورضاني".

واستكمل قائلا: "هو محترم جدًا وأنا مش هنساله الموقف دا، لأني لمست فيه إنه إنسان جدًا ونقي وحبيته في الله جدًا".

وكشف وائل أن أغنية تامر حسني التي تحمل عنوان "كل مرة"، والتي غناها تامر في فيلم "سيد العاطفي"، كان عازفاً معه فيها، مؤكداً: "تامر راجل محترم جدًا وبيساعد خلق ربنا وأنا بشكره على وقفته مع الناس دي وبقوله ربنا يكرمك ويزيدك ويقدرك على فعل الخير أكتر وأكتر".

لايف ستايل على مدار الساعة