مروان خوري يغني "الحب بيعمل فينا إيه" لمسلسل "فرصة أخيرة"

شارك النجم مروان خوري في غناء تتر مسلسل "فرصة أخيرة" في دراما رمضان 2026.

أغنية "هتعمل فينا ايه يا حب"، من كلمات منة القيعي وألحان عزيز الشافعي، موسيقى أحمد عبد السلام.

وجاءت كلمات الأغنية:

سبحان اللي بالينا بالقلب اللي مشقينا

والحب اللي مالينا بيجيب ويودي فينا

في ناس مشاعرها تقسيها

وناس مشاعرها بتطفيها

وناس الحب يخليها تهد الدنيا ومافيها

ساعات الحب يغيرنا

ساعات يغلبنا ويكسرنا

ساعات يخلينا نستسلم للغلب وكأنه قدرنا

وهتعمل فينا ايه يا حب

هتغير ايه ولا ايه ولا ايه

هتعمل فينا ايه يا حب

هتعمل تاني فينا ايه

يخلينا الحب ساعات في السما طايرين

ويخلينا ساعات وحشين مش بني آدمين

نفس الحب اللي بيخلينا ملايكة بيخلينا ساعات شياطين

المسلسل من تأليف محمود عزت، وإخراج أحمد عادل سلامة، وإنتاج الشركة المتحدة للخدمات الإعلامية، ويشارك في بطولته نخبة من النجوم، أبرزهم طارق لطفي، محمود حميدة، سنتيا خليفة، ندى موسى، وعلي الطيب. ومن المقرر عرضه خلال شهر رمضان عبر قنوات DMC وON E، إلى جانب منصة Watch It.

لايف ستايل على مدار الساعة