بسمة بوسيل: أنا كبرت مع تامر حسني واتعلمت منه حاجات كتير

تحدثت الفنانة بسمة بوسيل عن علاقتها بطليقها الفنان تامر حسني مؤكدة أنه أضاف لها الكثير على المستوى الشخصي والفني.

وقالت بسمة بوسيل عن تامر حسني خلال لقائها في برنامج "أجمد 7 الساعة 7" مع جيهان عبد الله عبر إذاعة "نجوم FM": "تامر حسني أضاف لي كتير أنا اتعلمت منه حاجات كتير جدا عشان هو شاطر أوي في شغله مش بس هو فنان نجح بمجهود لأ هو شاطر وموهوب جدا، أنا كنت عايشة مع الشخص دا وبشوفه بيعمل إيه في الاستديو وبيختار الأغاني إزاي".

وتابعت بسمة بوسيل: "أنا اتعلمت حاجات كتير جدا كأني أخدت كورس طريقة اختيار الأغاني لكل حاجة أنا مكنتش أعرف أن لازم أشارك في كل مراحل إنتاج الأغنية إلا لما شفت دا".

وأكملت بسمة بوسيل: " على المستوى الشخصي أنا كبرت مع تامر عرفته وأنا صغيرة ونضجت معاه وهو أبو عيالي وخلاني أم الحاجات دي كلها بحس أن هو شخصية مهمة في حياتي، إحنا دلوقتي مبسوطين إننا أصحاب، إحنا الاتنين بنزل أغاني في نفس الوقت بس مش بننافس بعض بنكمل بعض، ألبومه الجديد أنا سمعته قبل ما ينزل وكنت بختار معاه كذا أغنية منها "لينا معاد" وفي أغاني كان بيعملها من قبل ما ننفصل هو ألبوم حلو ومتنوع جدا وحبيت كذا أغنية وبتمنى له التوفيق".

يذكر أن بسمة بوسيل عادت للغناء من جديد بعد فترة طويلة من التوقف وأصدرت عددا من الأغنيات المنفردة.

لايف ستايل على مدار الساعة