فيديو - إلهام شاهين في حفل جائزة ساويرس الثقافية: مفيش فن حقيقي من غير الكلمة الحقيقية
klyoum.com
أخر لايف ستايل:
هل لجأت رحمة أحمد لحقن التخسيس في رحلتها لخسارة الوزن؟أشادت النجمة إلهام شاهين بدور جائزة ساويرس الثقافية في دعم الإبداع والكتاب.
وقالت إلهام شاهين خلال حضورها حفل جائزة ساويرس الثقافية كضيفة شرف الحفل: "مفيش فن حقيقي من غير الكلمة الحقيقية، الفن كله السينما والمسرح والدراما أساسهم الكتابة، إحنا كفنانين دايما نقول الورق مكتوب حلو ودي مش كلمة بسيطة، الورق الحلو هو اللي بيدينا الجرأة، وبيسمح لنا نغامر ونوجع ونفرح ونقول اللي مش سهل يتقال".
وأضافت إلهام شاهين: "الكتابة الصادقة هي اللي بتخلي الفنان يبقى صادق، وتخلي العمل يعيش، وتخلي القصة تكمل بعد ما يتطفي النور أو بعد ما تتقفل الستارة".
وتابعت: "جائزة ساويرس مش مجرد جوائز بتتوزع، هي مساحة احترام للكلمة، ومنصة بتقول للمبدع إحنا شايفينك وسامعينك، الجايزة دي عندها شجاعة تراهن على الجديد والمختلف، وعلى الأصوات اللي ما أخدتش فرصتها كاملة، وده شيء نادر ومهم".
كما كتبت إلهام شاهين عبر صفحتها في "إنستجرام": "سعدت جدا بحضوري كضيفة شرف حفل جائزة ساويرس الثقافية في عامها الـ 21 .. هذه الجائزة التي تشجع وتهتم بالمبدعين والمواهب الشابة في الكتابة، التي هي أهم عنصر في العمل الفني. شكرا عائلة ساويرس على دعمهم للفن والثقافة. أهم وأغلى ما تمتلكه مصر حضارتها وفنها وثقافتها.مبروك لكل المبدعين الفائزين بالجوائز. تمنياتي لهم بالتوفيق والنجاح الدائم. ويارب 2026 تكون سنة حلوة على الفن المصري".