فيديو - صفية العمري ترد على شائعة اعتزالها: اعتزال الفنان يعني وفاته

ردت الفنانة صفية العمري على شائعة اعتزالها التمثيل، التي تتردد بين الحين والآخر.

وقالت صفية العمري خلال لقائها مع الإعلامية ياسمين عز في برنامج "كلام الناس" المذاع عبر قناة MBC مصر: "مفيش فنان بيعتزل، اعتزاله يعني وفاته، لكن أنا اعتزلت الأدوار اللي متناسبنيش واللي مش متعودة عليها ولا الناس متعودة تشوفني عليها".

وأضافت صفية العمري: "الحاجة الغريبة جدا إنه لما كان يتصل بي منتج وييقول في عمل رائع جدا، ودور حلو جدا عشانك أقول أهلا وسهلا اتفضل ابعتهولي، وأتفاجأ بإنه بيقول أبعتهولك على واتس آب".

وتابعت: "أنا بحب أشوف الورق مكتوب قدامي أقراه وأحط ملاحظاتي، فأقول متأسفة جدا. ده كلام ماأقبلوش ويمكن الجيل ده يقبله، لكن إحنا متعودين يجيلنا السيناريو من الحلقة الأولى للحلقة الـ 30 أو 10 أو 15، علشان أعرف البداية والنهاية، مينفعش أدخل البلاتوه معايا حلقتين وأستنى مشهد على الهوا".

صفية العمري: اعتزال الفنان يعني وفاته لكن بعتذر عن اللي مايناسبنيش.. زمان كان يجيلنا المسلسل كامل.. النهاردة بيكتبوا المشاهد على الهوا واحنا بنصور

واختتمت صفية العمري حديثها قائلة: "أنا ألام على كده، لكن هي تركيبة واحترام للفن اللي قدمته، والتاريخ اللي صنعته، مينفعش أغامر ولهذا أعتذر".

لايف ستايل على مدار الساعة