لايف ستايل

في فن

مشاهير

رمضان 2025 - أحمد مكي يطرح أغنية "هما اللي سابوك" من مسلسل "الغاوي"

رمضان 2025 - أحمد مكي يطرح أغنية "هما اللي سابوك" من مسلسل "الغاوي"

klyoum.com

طرح الفنان أحمد مكي عبر قناته الرسمية بموقع يوتيوب أغنية جديدة تحمل اسم "هما اللي سابوك"، من مسلسله "الغاوي"، الذي يخوض به سباق دراما رمضان 2025.

أغنية "هما اللي سابوك" من كلمات وألحان أحمد مكي، وتبدأ بهذه الكلمات:

نفسي أرجع أعيش يوم واحد من أيام زمان

أيام ما كان الواحد دايما حاسس بالأمان

بنعيش اليوم بيومه مش فاهمين غدر الزمان

صفحة أعمالنا لسه بيضا أحباب الرحمن

لسه مفهمتش معنى الخبث والخيانة

لسه مفهمتش أن فيه ناس سوسة وجبانة

تطعن فيك من ضهرك وفي وشك تديك ابتسامة

قلبي قالي بعتهم قولت له هما اللي باعوك

هما اللي سابوك

شو كداب وأنا أخوك

بعرف إنك فاهم

كل لغات العيون بس كدابة العيون

بالنهاية بتهون

من يومي بصدق الجروح وبيفاجئني الخوف

مجانين بعقلي بيمارسوا طقوس

مبيفهموش بلغة العيون

كان قلبي طيب أبيض ناعم من غير خدوش

اتحول غامق متجرح غريب ومعرفوش

ببص في المرايا مفهمتش إيه الحكاية

إنسان بوش متشوه لابس ماسك بشوش

نفسي أرجع أنام على سريري بتاع زمان

أول ما كنت أحط راسي على المخدة أنام

مش شايل هم حاسس سلام

دلوقتي النوم بيهرب من التفكير والآلام

تدور أحداث مسلسل "الغاوي" في 15 حلقة، ويشارك في بطولته: أحمد مكي، وعائشة بن أحمد، وعمرو عبد الجليل، وأحمد بدير، وأحمد كمال، ومحمد لطفى، وولاء الشريف، وكرم جابر، وهاجر عفيفى، ونجم الراب أبيوسف، وتامر شلتوت، ومطرب المهرجانات كزبرة، تأليف طارق كاشف ومحمود زهران، وإخراج ماندو العدل.

*المصدر: في فن | filfan.com
لايف ستايل على مدار الساعة

حقوق التأليف والنشر © 2025 موقع كل يوم

عنوان: Armenia, 8041, Yerevan
Nor Nork 3st Micro-District,

هاتف:

البريد الإلكتروني: admin@klyoum.com