الملخص - مصطفى كامل في "حبر سري": مش بيدايقني وصفي بمطرب "سواقين الميكروباص" .. واتهامي باقتباس لحن تسلم الأيادي "توارد أفكار"

حل الفنان مصطفى كامل ضيف على أولى حلقات الموسم الجديد من برنامج 'حبر سري' من تقديم أسما إبراهيم عبر قناة القاهرة والناس.

وخلال اللقاء تحدث مصطفى كامل عن العديد من الأمور تخص نقابة المهن الموسيقية وموقفه من مطربي المهرجانات حال جلوسه على منصب النقيب وحقيقية وفي النقاط التالية أبرز تصريحاته في 'حبر سري':

- أخوض حروب واتهامات وشائعات منذ ظهوري على الساحة الفنية.

- يشرفني أنى أكون مطرب أي فئة من بلدي حتى لو بوابين ودا يشرفني جدا ومش بيدايقني وصفي بمطرب 'سواقين الميكروباص' ومفيش لقب طلع عليا ضايقني.

- أنا ضد منع مطربي المهرجانات ولكن لا أسمح بتدمير الذوق العام.

- المهرجانات ظهرت في فترتي وجمعت مغنيين المهرجانات وقتها وقلت لهم مش بقطع رزق حد ولكن لن نسمح أنك تدمر الذوق العام.

- مطربي المهرجانات اشتغلوا في فترتي بما لا يضر الذوق العام والدنيا مستقرة لحد سنة 2015.

- عمر كمال لو سلمني دماغه أعدي به بر الأمان وستايله حلو وحمو بيكا استايله كده وانصحه أنه يبعد عن الكلمة الرديئة.

- المناخ العام للغنوة في مصر غير مبشر وأصبحنا في دوامة فنية كبيرة حال عدم تدارك المشكلة من قبل الانتاج ومؤسسات الدولة وكل من يحب مصر.

- أقول عن ثقة واحنا في دوامة فنية وشبه اتسحب مننا ريادة الأغنية في مصر.

- بهاء سلطان ونصر محروس الطرفين خسروا كثيرا من الأزمة حتى بعد انتهاء المشكلة وتراضي الطرفين، بهاء سلطان مش هيبقى بهاء اللي كان مع نصر محروس ولا نصر محروس هيعرف يلاقي صوت زي بهاء سلطان تاني.

- والله العظيم ما قاصدتش اقتباس لحن 'تسلم الأيادي' وفي المزيكا فيها حاجة اسمها توارد الأفكار وأنا مش محتاج سرقة الألحان.

- لو هاني شاكر قرر يتراجع عن قراره ويرشح نفسه لمنصب نقيب الموسيقيين يبقى هو أولى بالتركة والنقابة في مصيبة لم تمر بها في حياتها.

- لو لم يقدر لي أن أكون نقيب الموسيقيين فأتمنى وجود الموسيقار حلمي بكر نقيبا وأنا في ضهره فهو شخصية قوية وفاهمة وشرف للمهنة ولو بيدي أعطي له منصب نقيب شرفي.

- شقيقي أحمد كامل لم يدخل المجال بالواسطة وصوته أفضل مني لكن هو كسول شوية.

- سبب ابتعاد شقيقي عن الغناء هو فقدان حالة الشغف وصوته أحسن من مطربين كتير واحساسه عالي جدا.

- أحمد كامل بقى مش حابب العودة للغناء والأيام القادمة هقدمه وهو من الأصوات الجميلة وهيظهر في حاجات جميلة ولكن المناخ العام غير مبشر.

يذكر أن مصطفى كامل طرح مؤخرا أغنية 'زرعة خايبة' عبر قناته الرسمية بموقع 'يوتيوب' وهي من كلماته وألحانه، وتوزيع وميكس ماستر كلوبيكس.

حمل آبلكيشن FilFan ... و(عيش وسط النجوم)