لايف ستايل
موقع كل يوم -في فن
نشر بتاريخ: ٢٧ تموز ٢٠٢١
وصف المخرج هادي الباجوري تجربته الأولى في الإخراج المسرحي، من خلال مسرحية الفنانة شريهان الجديدة 'كوكو شانيل'.
وفي مقابلة مع برنامج ET بالعربي، قال هادي الباجوري: 'دي بالنسبالي كانت تجربة جديدة، وأنا بحب دايما لما أجرب حاجة جديدة أجربها للآخر، يعني ما التزمش بالقواعد بل بالعكس أكسر القواعد وأدور على شكل تاني، وده اللي عملته في المسرحية.'
وعن ترقب الجمهور لعودة شريهان للمسرح بعد فترة طويلة من الغياب، قال: 'هما شافوا شريهان في شارع محمد علي، فكان لازم ده يتنقل في حاجة تانية، مينفعش تجيب الأسطورة وتخليها تعمل نفس اللي كانت بتعمله قبل كده.'
وعن اهتمام شريهان بتفاصيل العمل، قال: 'لازم تبقى عارفة كل حاجة بتحصل، متقدرش تنام بالليل ولا تروح من المسرح إلا لما تبقى مطمنة ومتأكدة من كل تفصيلة. وأنا شايف إن تجربتها وخبرتها في المسرح أكتر مني بكتير، فكنت أبقى عبيط لو مخدتش من تاريخها.'
وعن مشاركة عدد من الوجوه الجديدة في المسرحية، قال: 'شريهان متدخلتش خالص في اختياري للناس، إحنا كنا متفقين من الأول إني عايز أجيب ناس جداد على قد ما أقدر.'