تامر حسين: "اللي يمشي يمشي" أهم أعمالي مع عمرو دياب.. وترصد نماذج في حياتنا

أبدى الشاعر الغنائي تامر حسين سعادته بنجاح ردود الفعل بعد أحدث أغانيه مع الفنان عمرو دياب التي تحمل اسم 'اللي يمشي يمشي'.

ونشر تامر حسين صورة تجمعه عمرو دياب من داخل الأستوديو عبر صفحته بموقع التواصل الاجتماعي Facebook وعلق قائلا: 'أولاً الحمد لله على رد الفعل المُبهر والسريع ثانياً عمرو دياب كل أغنية بتنزل معاه ليا في أول السيزون بحس كأنها أول أغنية بينا ونفسياً ببقى زى الطالب اللي في ثانوية عامة'.

وأضاف: 'بيبقى عندى ضغط وستريس إني أبقى متغير عن السنة اللي قبلها وأعمل أحسن ماعندي وأتفوق على نفسي وأضيف له حاجة في تاريخه الكبير اللي بعتز بيه وكُنا موفقين الحمد لله في الاختيار أن الأغنية تشبه مشاعر وتجارب كُل البني أدمين ومست قلوب الجميع'.

وتابع تامر حسين: 'عملنا سرد لمجموعة من الناس ونماذج في حياتنا جميعا ودى يمكن أول مرة نعمل zoom على التفاصيل دي وربنا وفقنا أنا ومدين وتوما ومهندس الصوت المُخلص أمير محروس وصديقنا اندرو داود اللي سجل الغُنا هو وشيرى'.

واستكمل تامر حسين: 'شُكرى للناس كُلها اشتغلت بحُب وإخلاص لنجم كبير كُلنا عارفين ومقدرين قيمته والمسؤلية اللي عليه أمام جمهور كبير وعظيم يستحق كُل التقدير والاحترام شكراً عمرو دياب اللي حقيقي بنزوله بيفتح السوق للكُل وبيعمل روح ومُنافسه شريفة تفيد المُستمع وشكراً للجمهور المحترم اللي بيفهم ويحس بالأغنية الحلوة وبيقدر صُناعها وحقيقة انا بعتبرها من أهم أغانيا مع الفنان عمرو دياب وأنضجهم'.

‎'اللي يمشي يمشي' من كلمات تامر حسين، لحن مدين، توزيع توما، ميكساج وديجيتال ماستر أمير محروس.

حمل آبلكيشن FilFan ... و(عيش وسط النجوم)