مصطفى كامل عن جمهور حفلات ويجز: ربنا يخلي العبط والمهابيل

علق الفنان مصطفى كامل على الحضور الكبير في حفلات مغني الراب ويجز ووصفهم بالعبط والمهابيل.

وخلال لقائه مع برنامج 'حبر سري' الذي يعرض عبر قناة 'القاهرة والناس' قال مصطفى كامل 'ربنا يخلي العبط والهبل والمهابيل والمهاطيل وربنا يزيدهم، وويجز مش عاجبني ولا هيعجبني وأنا لا أدعي حاجة بره شخصيتي، وأنا سمعت بتوع المهرجانات، وسمعته بس مش عارف ولا فاهم بيقول إيه'.

وأضاف كامل أنه ضد هذه النوعية من الأغاني وقال 'إذا استمرت الحاجات دي يبقى مصر باي باي، مش قادر أصدق أن الفن المصري راح للحته دي، حتى وإن كان لهم جمهور ومتمناش لبلدي إنه يكتر منها الحاجات دي خالص'.

أما فيما يتعلق بموقفه من مطربي المهرجانات حال عودته لمنصب نقيب المهن الموسيقي قال مصطفى كامل 'أنا ضد المنع والمهرجانات ظهرت في فترتي وجمعت مغنيين المهرجانات وقتها وقلت لهم مش بقطع رزق حد ولكن لن نسمح انك تدمر الذوق العام'.

وتابع المطرب مصطفى كامل: 'مطربي المهرجانات اشتغلوا في فترتي بما لا يضر الذوق العام والدنيا كانت مستقرة لحد سنة 2015'.

حمل آبلكيشن FilFan ... و(عيش وسط النجوم)