نبيل الحلفاوي يرد على تصريح ياسمين عز "جوزك جايب السجادة بفلوسه"

علق الفنان نبيل الحلفاوي على التصريحات الأخيرة للإعلامية ياسمين عز في برنامجها 'كلام الناس' على قناة MBC مصر، والتي وجهت فيها عددا من النصائح للزوجة لتجنب التعرض لخيانة زوجها.

وأعاد نبيل الحلفاوي عبر حسابه بموقع تويتر نشر جانب من تصريحات ياسمين عز، وهو الجزء الذي قالت فيه: 'خلي الراجل اول ما يشوفك يحس انه ساب الضغط والتعب والمشاكل وداخل الجنة بتاعته، مش تقوليله اوعى تدوس على السجادة واقلع الجزمة بره، ما هو جايبها بفلوسه'.

وعلق نبيل الحلفاوي على هذه النصيحة بتغريدة كتب فيها: 'عشان بتحافظ على فلوسه'.

وكانت ياسمين عز قد وجهت أكثر من نصيحة للزوجة خلال الحلقة قائلة: 'ليه معظم الستات بتتغير بعد الجواز؟ اعرف ستات لما اجوازهم ينزلوا الشغل ولا بيعبروهم، وكأن لسان حالها يقول له المركب اللي تودي طبيعي بعد كدة إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟'

وتابعت: 'ما هو شايف بوز أد كدة طول النهار أدامه، أول ميرجع جوازها للبيت، بدل ما تسأله عملت أيه انهارده، بتبقى قاعدة قمطة دماغها بتقوله ايدي وجعاني والعيال تعبوني ومش قادرة اتكلم، ليه لما حد يجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين ايام لما كانت الست تدي لجوزها الجزء الكبير من الفرخة وتاكل بقيتها هي والعيال، فين أيام ما الست كانت بتدي لجوزها الحتة الكبيرة في الفرخة وتاكل الباقي هي وعيالها'.

حمل آبلكيشن FilFan ... و(عيش وسط النجوم)