فيديو لنادين نجيم يثير الجدل: هيدا خطيبي وأنا حرة بحياتي

بعد قيام أحد الأشخاص بتصوير الممثلة نادين نسيب نجيم وهي ترقص وتحتضن من الخلف أحد الأشخاص، ما أثار غضبها وأعادت بالرد و نشر الفيديو، وكشفت أن الرجل الذي برفقتها هو خطيبها.

وعبر حسابها على موقع انستغرام قالت: 'يلي عم حاول يستهبل و يصور على اساس عم يزعجني بدي قول شغلة لكل حدا عم ينشر الفيديو : هيدا خطيبي و انا حرة بحياتي و ما حدا خصه و من هلىء بقلكم لعبوا غيرها و جربوا حظكم مرة اخرى . يا عيب الشوم عليكم ما بتحترموا خصوصية الناس هدفكم بس النشر و جلب اللايكات و التعليقات على حساب الناس. كلكن هدفكم عدد اللايكات على حساب حياة الناس و كرامات الناس ! صرنا بزمن ما حدا بيحترم حياة الناس الخاصة و حتى لو كنت مشهورة متل ما بتقولوا بس هل الشي ما بيعني انكم تستغلوني لنية بشعة و بعدكم مفكرين انه بهل الطريقة بخسر ولادي ! و بتتمنولي اخسرن تفه على تربيتكم وما حدا بهل الدني بفرقني عن ولادي لانه بالقانون و برا القانون انا امرأة مطلقة حرة و بحقلي عيش و حب و اتزوج. خلصنا بقا منكم! عيب عليكم !'

vdlnews