شريف منير هل انسحب من مهرجان الجونة؟

انسحب عدد من الفنانين على رأسهم شريف_منير، أشرف_عبد_الباقي، أحمد رزق، إيناس_الدغيدي، يسرا،تامر_حبيب، ليلة امس من عرض فيلم 'ريش' في مهرجان_الجونة السينمائي في دورته الخامسة.

الفنان شريف منير انسحب بعد نصف ساعة فقط من عرض الفيلم مشيرا الي إنه لا يستحق المشاهدة ويقلب الحقائق ويسيء لسمعة مصر.

البعض أشاع أن منير انسحب من المهرجان كله وغادر الجونة غاضباً من الفيلم، لكنه اوضح الأمور قائلاً:

(توضيح، أنا لم أغادر مهرجان الجونة، أنا غادرت القاعة لأني عندي تحفظ على فيلم ريش).

أضاف: (ومغادرتي الجونة، ده كان ميعاد رجوعي المتفق عليه مع إدارة المهرجان من قبل الذهاب).

كما انتقد الفيلم وصناعه في مداخلة هاتفية مع المذيع عمرو_أديب وقال: (أنا مش بهاجم، وأنا لا أقدر على الهجوم، ولما خرجت من العرض تقابلت مع محمد حفظي، منتج فيلم ريش، فسألني عن سبب مغادرتي، وقلت له إن المشاهد في الفيلم مزعجة على المستويين الواقعي والفني).

ومضى يقول: (الفيلم واخد جايزة من مهرجان كان السينمائي في فرنسا، وأنا مش فاهم الناس اللي ادوا الفيلم الجايزة كانوا شايفين ايه؟! يمكن أنا مش فاهم في الفن، يمكن أنا مش واخد بالي).

اضاف: (أنا عندي حتة غيرة جوايا على مصر، هي اللي بتحركني وأنا باسخن شوية (..) الفن ينقل الواقع مُجمّل (تجميل). أنا عايز أعرف المخرج عايز يقول ايه من الفيلم والتناول ده؟!).

وطالب شريف منير مخرج الفيلم بتوضيح رسالته من الفيلم، وقال: (أنا مصمم إني مخرج الفيلم يطلع يقول لنا هو عايز يقول ايه؟).

وأثار الفيلم موجة من الغضب الشديد لدى الفنانين وكل من شاهد الفيلم واعتبروه خارج عن السياق الفني والدور الذى يجب أن يقوم به الفن بعدما تجاهل عن عمد الإيجابيات التي تحدث في المجتمع المصرى مكتفياً بالسلبيات وتضخيمها واعتبارها وكأنها تمثل السياق العام للمجتمع.

فيلم (ريش) شارك في بطولته دميانة نصار، سامي بسيون، محمد عبد الهادي، فادي مينا، ابوسفين نبيل، نعيم عبد الملك، محمد صدقي، يوستينا سمير، ناصر جلال، عبدالله، سامية، سيناريو وإخراج عمر الزهيري.