لايف ستايل
موقع كل يوم -في فن
نشر بتاريخ: ٦ شباط ٢٠٢٣
في أحدث تصريح لها ضمن سلسلة تفخيم الرجل والزوج، وصفت الإعلامية ياسمين عز الرجل بأنه مسكن طبيعي للصداع، ويغني عن أي دواء تم اختراعه.
وقالت ياسمين عز خلال تقديمها برنامج 'كلام الناس' عبر قناة MBC مصر: 'الراجل لما يجيله صداع يتشافى ذاتيا، لإنه مسكن صداع منه فيه، وهو أصل المادة الفعالة لأي نوع مسكن'.
وأضافت: 'الكلام ده مش من عندي، في دراسة عملوها في بلاد برا، واستخلصوا منها إن الرجل فعاليته زي المسكن بالضبط، بل من الممكن إن الرجل يكون أقوى فاعلية من المسكن'.
وتابعت: 'رأيي الشخصي ليه اخترعوا المسكن والراجل موجود، نعمة ربنا في الأرض، وإنسان بشري طبيعي مش أعشاب، وفي رأيي ليه اخترعوا الدواء وهو الدواء'.
ووجهت ياسمين عز خلال الحلقة نصيحة للفتيات حذرت فيها من الانسياق وراء فكرة الاستقلال وعدم الزواج.
وقالت ياسمين عز: 'الرجل المحترم يشتغل ويشقى عشان يقدر يتجوزك، وإنتي تشتغلي عشان تستقلي وتقدري تسيبيه في أي لحظة، ده ظلم للرجل'.
وأضافت: 'إنتي ماشية ورا كلام بعض الجهلاء، ومفكرة الدنيا من غير الراجل حلوة، لكن هي من غيره سواد ومرار وحزن'.
وتابعت: 'لو اشتغلتي وعملتي فلوس وقدرت تستقلي، تقدري تشتري جهاز يوقف عمرك عند الشباب؟ هتكبري والشغل هيخلص، وهتقعدي لوحدك إذا كان باختيارك، وهو ربنا هيكرمه ويكون قاعد لابس شرابه ومدفي رجله وسط أحفاده، بيشرب سحلبه وبيأكل أرنبه وفاتح مكتبه'.
حمل آبلكيشن FilFan ... و(عيش وسط النجوم)