محيي إسماعيل يقلد نجيب محفوظ ويحكي عن لقائه معه (فيديو)

استعاد الفنان محيي إسماعيل ذكريات لقائه بالآديب العالمي نجيب محفوظ وما حد بينهما، كما قام بتقليده أيضا.

وظهر محيي إسماعيل في فيديو عبر 'تيك توك' وحكى عن لقائه بنجيب محفوظ، وقام بتقليد طريقة كلامه وصوته.

وقال: نجيب محفوظ الجميل أنا روحتله العجوزة كان في فيلم اسمه 'شهد الملكة' وكان بيقولي اللي هيعمل دور المأمور ممثل اسمه محيي إسماعيل وقال فكروني بيه.

وقلد محيي إسماعيل نجيب محفوظ قائلا: 'هات بوقك عند ودني وعلي صوتك' وقولته أنا عملت أول فيلم لسيادك اسمه تحقيق مع إلهام شاهين كانت أول مرة تمثل، فقال: هو دا الفيلم اللي طول الوقت بتدور على القاتل اللي لابس جزمة بني في أبيض.

وتابع قال عني : كويس يعمله بس أنا عايز بقى المأمور دا راجل سيكوباتي يعني راجل مبيحسش وظالم وقاتل فأعملوله هيبة شنب ويخوف، وقولت له لأ إن شاء الله هعمل الدور كويس بس أرجو من سيادتك تشوف الفيلم قالي خلاص جدع برافو عليك.

وأكمل: طلبت منه أقوله دعابة ونكتة وقالي قول النكتة وعلي صوتك وقولته النكتة.

على جانب آخر، تحدث محيي إسماعيل عن فكرة تقديمه لقصة حياته في عمل فني.

وأوضح محيي إسماعيل إنه سيقدم العمل بنفسه ولن يحتاج لأي ممثل آخر حتى في مرحلة الشباب.

وقال محيي إسماعيل خلال الجزء الثاني من حلقته في برنامج 'حبر سري' من تقديم أسما إبراهيم عبر قناة 'القاهرة والناس': أنا طبعا، أنا اللي أعمل حياتي بنفسي، أنا دلوقتي عملت ديكور جوا شقتي بقى متحف والتصوير هيبقى في المكان ده، وهحكي قريبا لأنهم طلبوا مني قصة حياتي، فأنا هحكي بالفيديوهات قصة حياتي في الغرب في أمريكا وفرنسا هيشوفوا حاجات وحكايات مثيرة وهنحكي حاجات محدش يعرفها.

على جانب آخر، يعود محيي إسماعيل إلى السينما بعد غياب 3 سنوات منذ آخر أعماله 'الكنز 2'، بفيلم 'الكومندا'.

فيلم 'الكومندا' تدور أحداثه في إطار كوميدي عن شاب يقوم بكتابة رواية وقبل تسليمها لدار النشر في ميعادها لطباعتها وتوزيعها يقوم أحد أصدقائه بإعطائه شوكولاتة تجعله يدخل في حالة نوم شديدة وعندما يفيق لا يجد الرواية ويذهب للكومندا من أجل أن يبحث معه عن الرواية.

ويقدم محيي إسماعيل شخصية 'الكومندا' وهو رجل نشأ في بورسعيد وبمثابة العمدة هناك الكل يعرفه ويحترمه وفي غرفته بديكور الفيلم يعلق صورته مع السادات كدليل علي أنه شخص يتمتع بمحبة وشهرة.

يشارك في بطولة فيلم 'الكومندا' بجانب محيي إسماعيل كل من إيهاب فهمي ومحمود حافظ ونور قدري ومحمود الليثي ومحمد محمود وانتصار وطاهر أبو ليلة وعبد الله مشرف والعمل من تأليف صلاح عبادة وعماد يوسف وإسلام عرفة وإخراج سيد عيسوي.

حمل آبلكيشن FilFan ... و(عيش وسط النجوم)