لايف ستايل
موقع كل يوم -في فن
نشر بتاريخ: ٣ شباط ٢٠٢٣
حكى أبطال مسلسل 'موضوع عائلي' عن مشهد أعادوا تصويره 13 مرة بسبب شخصية 'رمضان حريقة' التي قدمها الفنان محمد رضوان.
وحل صناع مسلسل 'موضوع عائلي' ضيوفا على الإعلامي شريف عامر في برنامجه 'يحدث في مصر' عبر قناة mbc مصر، وقال الفنان محمد رضوان عن مشهد لقاء أسرة 'إبراهيم' بالدكتورة 'مريم' وتناول الغذاء معا: اتعاد 13 مرة المشهد ده.
وبعدها حكت رنا رئيس قائلة: المشهد ده اتعاد كتير جدا، كنا ميتين على نفسنا من الضحك، هو زعق مرة واحدة وكلنا ضحكنا وحاولنا نبعد وشنا عن الكاميرا.
وقال محمد رضوان: 'رمضان حريقة' كان بيجامل 'إبراهيم' وبيساعده فبقى أوفر جدا.
أما المخرج الجندي فقال عن هذا المشهد: أنا اشتغلت مع أستاذ ماجد الكدواني كتير ونور وهما مش بيضحكوا بسهولة وقت التصوير، لكن أول ما 'رمضان حريقة' يتكلم' كل اللي في المشهد واللي ورا الكاميرا بيضحكوا.
وخلال اللقاء تحدث ماجد الكدواني عن صداقته بالفنان محمد رمضان وقال: نعرف بعض من سنة 1990 كنا طلبة في معهد فنون مسرحية، أنا كنت جاي من فنون جميلة وهو من ليسانس آداب، و'موضوع عائلي' عمق صداقتنا أكتر، كان بقالنا كتير مش بنتقابل، لكن كان في كيميا جميلة بينا.
وخلال اللقاء أعلن صناع مسلسل 'موضوع عائلي' عن استعدادهم لتحضير الجزء الثالث منه.
وقال ماجد الكدواني: طلب الجمهور بيحملنا مسئولية كبيرة، وده حاصل دلوقتي، اللي ستر اللي فات يستر اللي جاي، واللي دبر اللي فات يدبر اللي جاي'، مؤكدا بدء التحضير للجزء الثالث من مسلسل 'موضوع عائلي'.
يذكر أن مسلسل 'موضوع عائلي 2' من بطولة ماجد الكدواني، نور، محمد شاهين، رنا رئيس، محمد رضوان، سماء إبراهيم، طه دسوقي، محمد القس، ياسمين وافي وفؤاد محسن، فكرة وإخراج أحمد الجندى وسيناريو وحوار محمد عز الدين وكريم يوسف وإنتاج أحمد الجنايني.
وعرض المسلسل عبر منضة 'شاهد vip' وحقق نجاحا كبيرا خاصة الحلقات الأخيرة منه والتي أثرت في الجمهور.
حمل آبلكيشن FilFan ... و(عيش وسط النجوم)