عفاف شعيب: واحدة عملتلي عمل علشان تاخد جوزي مني ودعيت عليها وبقت عاجزة (فيديو)

حكت الفنانة عفاف شعيب عن محاولة إحدى صديقاتها لخطف زوجها رجل الأعمال طارق العريان منها.

وقالت عفاف شعيب خلال لقائها في برنامج 'كلام الناس' من تقديم ياسمين عز عبر قناة MBC مصر، واحدة عملتلي عمل علشان تاخد جوزي مني، ووقتها انفصلنا وحاول يرجع تاني لكن أنا رفضت.

وتابعت: قسما بالله ما في حد جيه عليا وبقول يارب إلا وربنا بياخد لي حقي، واللي عملتلي العمل قولت يارب أنت وكيلي وحسيبي، العربية اتقلبت بيها وعايشة عاجزة لغاية دلوقتي.

وخلال اللقاء تحدثت عن فترة زواجها من رياض العريان وما قيل وقتها أنه يشتري لها هدايا باهظة وقالت: أنا عمري ما طلبت منه جنيه، كنت عاوزة اشتري عربية مرسيدس سنة 1988 وقالوا مفيش تقسيط كان كاش وتمنها كان 45 ألف جنيه، طلبت من رياض يسلفني 5 آلاف جنيه، رفض وربنا بعتلي شغل واشتريت العربية.

على جانب آخر، أعربت عفاف شعيب عن استيائها الشديد من انتشار شائعة وفاتها على بعض المواقع الإخبارية خلال الفترة الماضية.

وقالت عفاف شعيب: 'شائعة وفاتي سخيفة، وتلقيت العديد من الرسائل والمكالمات الهاتفية من جميع أنحاء الوطن العربي للتأكد من صحة المعلومة. ليه إشاعة زي دي، وليه بتوجعوا قلوب الناس، كلنا هنموت وكلنا مستنيين دورنا، لكن محدش يكتب إننا متنا ويزعلوا الناس'.

يذكر أن عفاف شعيب شاركت مؤخرا في مسلسل 'زي القمر'، الذي عرضت آخر حلقات موسمه الثاني في ديسمبر من العام الماضي، وشاركت في بطولته مجموعة من النجمات ضمت درة، صابرين، آيتن عامر، مى كساب، سوسن بدر، وداليا مصطفى.

حمل آبلكيشن FilFan ... و(عيش وسط النجوم)