حسين فهمي عن مشاركته في مهرجان كان: عايز أشوف ناس.. كلهم بيقابلوا بعض على الإنترنت

تحدث الفنان حسين فهمي عن كواليس مشاركته في الدورة الـ 72من مهرجان كان السينمائي، حيث أعرب عن سعادته بالتواجد في مدينة كان الفرنسية.

وأكد حسين فهمي أنه سبق له المشاركة كثيرا في مهرجان كان، مضيفا: ' جيت وأنا ممثل كان ليا أفلام بتتعرض هنا، وجيت وأنا رئيس مهرجان، لأني كنت رئيس مهرجان القاهرة السينمائي الدولي، وأتعينت مرة تانية فموجود هنا بصفتي رئيس المهرجان'.

وأشاد بالأفلام المعروضة قائلا: 'النشاطات هايلة وفي أفلام كويسة جدا، وبقابل ناس عشان يبقوا من لجان التحكيم عندنا في المهرجان، النشاط كويس الحمدلله'.

وأوضح حسين فهمي أن إدارة مهرجان القاهرة السينمائي الدولي ترتبط دائما بعلاقة طيبة مع إدارة مهرجان كان السينمائي، وقال: 'أحنا مهرجانين درجة أولى، تابعين للـFIAB، زينا زي مهرجان برلين ومهرجان سان سباستيان ومهرجان فينيسيا'.

وأشار إلى ضعف المشاركة العربية في الدورة 75 من مهرجان كان قائلا: 'مش كفاية لكن رؤساء المهرجانات العربية موجودين هنا وبنلتقي ونتبادل الأفكار والأراء'.

وتحدث حسين فهمي عن تأثر مهرجان كان السينمائي بجائحة كورونا خلال السنوات الماضية، وتغير الوضع هذا العام، وأوضح: 'السنة دي فتح جامد وبقى في حركة كبيرة جدا، وأوائل الأيام كان في هبوط في خدمة الإنترنت'.

وأضاف: 'الدنيا اتغيرت خالص، مش عارف أقابل حد، كل الناس بتقابل بعض على الإنترنت وبتيجي لي دعوات على التليفون، أنا رحت للمسئولين عن البروتوكول قلت لهم أنا رجل من طراز قديم مش متعود على الطريقة دي، عايز أشوف ناس اتكلم معاهم'.

وافتتح مهرجان كان السينمائي بدورته الـ75 بفيلم الرعب الكوميدي Final Cut وشهد عرضه حضور عدد من الفنانين من ضمنهم جوليان مور وفورست ويتاكر الذي تم تكريمه بالسعفة الذهبية التكريمية.

وحضر افتتاح مهرجان كان السينمائي الدولي الـ75 عدد من النجوم منهم فورست ويتاكر الذي تم تكريمه بالسعفة الذهبية التكريمية وجوليان مور وبلانكا بلانكو وإيفا لانجوريا النجمة الهندية ديبيكا بادكون والممثلة التركية مريم أوزرلي وغيرهم من النجوم.

وتمتد فعاليات الدورة 75 من مهرجان كان السينمائي حتى يوم السبت المقبل 28 مايو 2022.

حمل آبلكيشن FilFan ... و(عيش وسط النجوم)