نجمة "مدرسة الروابي للبنات" تعلن إصابتها بالصرع

نور طاهر

أعلنت نجمة مسلسل 'مدرسة الروابي للبنات' نور طاهر عبر حسابها في تطبيق 'إنستغرام' أنها مصابة بالصرع، حيث قالت: 'من زمان كتير كنت أصحى ألاقي حالي على الأرض لأني كنت فاقدة الوعي وما كنت اتذكر أي تفاصيل، كنت أصحى عندي وجع براسي ومش قادرة اتطلع على أي ضوء، وكنت مش فاهمة ليش أي ضو أبيض أو قوي ممكن يسببلي صداع نصفي متبوع بنوبة غائبة او نوبة بدون اختلاج وحتى هاي ما كنت أحس فيها'.

وأضافت: 'حتى ما أطول عليكم، بشهر 3، كنت بحفلة وكانت الضواوي قوية وصار معي نوبة صرع متتالية أرعبت كل اللي حولي... بعدها عملت كتير فحوصات وفكرت إني صرت منيحة، لحد الأسبوع الماضي تقريباً، بدأت عندي نوبات صرع متتالية وخطيرة أكتر، تم نقلي بسيارة الإسعاف إلى وحدة العناية المركزة، واضطريت أضل فيها لمدة 6 أيام، كانت التجربة مرعبة ومحبطة، لكن تم تشخيصي أخيراً وعرفت إني مصابة بالصرع'.

وتابعت نور طاهر حديثها موضحةً: 'أما بالنسبة للي ما بيعرفوا، الصرع هو اضطراب في الجهاز العصبي المركزي يصبح فيه نشاط الدماع غير طبيعي، مما يتسبب في نوبات أو فترات من السلوك غير العادي، والأحاسيس الغريبة وفي معظم الأحيان فقدان الوعي. من الصعب التعايش مع الصرع، فهو مش مجرد نوبات مؤقتة وبنصحى منها، هو إنك تصحى على كدمات مؤلمة في كل جزء من جسمك وما تتذكر كيف أصابتك، وهو إنك تضطر تبصق الدم لأنك عضيت علسانك وباطن تمّك أثناء النوبة، وإنك تسميه متعب قليل عليه'.