هشام المليجي: تنازلت في بعض أدواري وأسعى للنجومية بطريقة مختلفة

يرفض الفنان هشام المليجي تصنيفه كممثل فقط، ويعرف نفسه كفنان متعدد الاهتمامات.

وقال هشام المليجي خلال حواره مع الإعلامية سهير جودة في برنامج 'الستات' المذاع عبر قناة النهار: 'مش حابب أتقولب في مهنة محددة، أنا فنان مش ممثل، وعايز أمارس كل الفنون اللي أنا مهتم بيها'.

وردا على سؤال هل لديك أمل في الوصول للنجومية حتى لو جاءت متأخرة؟ قال: 'ليه لأ، وأنا طريقة سعيي للنجومية مختلفة'.

وأضاف: 'عملت أدوار كتيرة في مسيرتي مكانش لازم أعملها، وقدمت بعض التنازلات، ومثلت أدوار لمجرد التواجد لكن بدون فائدة'.

وتابع: 'دلوقتي عندي مواصفات خاصة في الأدوار ولن أتنازل عنها، وأعتذر عن كثير من الأدوار لأنها غير متماشية مع رؤيتي الفنية'.

وكان هشام المليجي قد كشف في تصريحات سابقة أنه تخطى سن الخمسين دون زواج قائلا: 'أنا مش جريء وماعنديش حاجة أخجل منها وعديت الـ50 سنة وتاريخ ميلادي اللي موجود على الإنترنت مش حقيقي، وبزعل لما البنات بتكتبلي على فيسبوك إني كنت الكراش بتاعهم زمان'.

حمل آبلكيشن FilFan ... و(عيش وسط النجوم)