حمو بيكا ردًا على تصريحات تامر عبد المنعم: شوفلك حد ينضف قلبك من الغل والصفار والتنمر

رد مؤدي المهرجانات حمو بيكا على تصريحات الفنان تامر عبد المنعم عبر حسابه بموقع التواصل الاجتماعي Facebook

قال بيكا 'ردًا على كلام المدعو تامر عبد المنعم، الحمدالله انا مش مستني حد زيك يقولي اقرأ أو مقراش'

تابع بيكا 'انا معايا اخواتي هما عيني وضهري، انا بقى اللي بقولك شوفلك حد ينضف قلبك من الغل والصفار والتنمر اللي فيه'

وأضاف 'يمكن ربنا يكرمك وتلاقي اللي بيديك دور تمثله ولا حاجة، حسبي الله ونعم الوكيل في كل شخص معاه سلطة وبيتحكم في خلق الله'

واختتم كلامه قائلًا 'احنا معانا ربنا مش سلطة وقرارات وحقي هاخده'

يذكر أن تامر عبد المنعم كتب عبر صفحته بموقع Facebook مهاجمًا حمو بيكا وقال 'السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش'.

وأضاف: 'أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك'.