حمو بيكا عن هاني شاكر: بتشرف بيه في كل حتة وزعلان على استقالته (فيديو)

رد مطرب المهرجانات حمو بيكا على الانتقادات التي تعرض عقب ما كتبه على صفحته عبر Facebook بعد استقالة هاني شاكر من منصب نقيب الموسيقيين.

وقال حمو بيكا في بث مباشر عبر صفحته على Facebook: 'هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان'.

وأضاف بيكا: 'هاني شاكر أخويا الكبير، وبنتشرف بيه في كل حتة.. أنا نزلت صورة مكتوب عليها: (أنا راجع يا شوية جواجع)، ودي أغنية جديدة مع نور التوت، لكن الناس فهموا غلط، وحرَّفوا كلامي، وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي وأنا علاقتي بهاني شاكر جيدة، ولا توجد أي خلافات بيننا'.

وتابع حمو بيكا: 'بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة'.

حمل آبلكيشن FilFan ... و(عيش وسط النجوم)