هنادي مهنا عن حلم البطولة المطلقة: أنا لسة صغيرة

فضلت النجمة الشابة هنادي مهنا استمرار معدل صعودها في عالم الفن 'ببطء'، مؤكدة إنها لا تحلم الآن بالبطولة المطلقة، لأنها مؤمنة بمقولة أن من يصعد إلى قمة المجد بسرعة يتهاوى إلى قاع الفشل أسرع.

وقالت هنادي مهنا خلال لقائها مع برنامج The Insider: مش هدفي بطولة مطلقة دلوقتي خالص أنا لسه صغيرة أوي لما أكبر إن شاء الله هبقى أعمل كدا.

وواصلت: أنا من الناس اللي مقتنعة أن اللي بيطلع السلم بسرعة بينزل أسرع بكتير، وعلشان كدا أنا عايزة أطلع سلم النجاح براحة أوي عشان لو لقدر الله نزلت، أنزل بالراحة أوي بردو.

وتحدثت هنادي عن مشاركتها في فيلم 'تماسيح النيل' الذي يعد ثاني بطولة جماعية لها بعد فيلم 'بنات ثانوي'، وقالت إن تماسيح النيل تميزت كواليسه بخفة الدم والكوميديا، لأن أغلب صناعه وأبطاله من الظرفاء بداية من المخرج سامح عبد العزيز ومصطفى خاطر مرورا بخالد الصاوي وحمدي الميرغني وسليمان عيد وويزو.