سارة عبد الرحمن: فستاني في مهرجان الجونة اورجانك وهيعاد تدويره

أوضحت الفنانة الشابة سارة عبد الرحمن أن فستانها الذي أطلت به في مهرجان الجونة السينمائي، هو صديق للبيئة و سيعاد تدويره

قالت عبد الرحمن في لقاء لها مع قناة ON على السجادة الحمراء لافتتاح مهرجان الجونة 'الفستان اورجانيك وهيعاد تدويره'

وتابعت قائلة ردًأ على سؤال خاص بإرتداء فساتين صديقة للبيئة 'دي حاجة مهمة ولازم كلنا نهتم بيها ولو بنبص على التقارير اللي بتطلع عن حالة الكوكب هنعرف أننا لازم نقلل الاستهلاك'

كما أجابت عبد الرحمن عن سؤال حول اتهامات البعض بأن المهرجانات تنجح بسبب فساتين النجمات، وانتقدت سارة هذة المقولة وقالت'الفستان احنا بنلبسه علشان نروح نشوف الافلام فلو الفساتين هي اللي هتجذب الناس تاخد بالها من الأفلام لأنها الأساس'

وعن حريق المسرح في مهرجان الجونة قالت 'كنت في البيت واتخضيت جدا وكلمت اختي والناس اللي اعرف أنهم موجودين والحمدالله الكل كان كويس'

أما عن علاقتها بمنصات التواصل الاجتماعي ورأيها في انقطاع الخدمة عن العالم لمدة 6 ساعات قالت 'كنت واخده بريك بقالي شوية من السوشيال ميديا وأثناء قطع السوشيال ميديا كنت عارفة اركز مع الناس اللي حواليا ومش مستنية رسايل من حد'

الجدير بالذكر أن مهرجان الجونة السينمائي انطلق مساء أمس وتستمر فعالياته حتى يوم 22 من شهر أكتوبر الجاري