لايف ستايل
موقع كل يوم -فوشيا
نشر بتاريخ: ٣ أب ٢٠٢١
استذكرت العديد من نجمات لبنان الذكرى السنوية الأولى لانفجار مرفأ بيروت، المروع الذي قتل أكثر من مئتي شخص، وألحق دمارا هائلا بالعاصمة اللبنانية، والذي يصادف الأربعاء الرابع من شهر أغسطس.
ونشرت الفنانة هيفاء وهبي صورة لها ظهرت فيها مرتية فستان من اللون الأبيض، وتحمل باقة ورود وأمامها انفجار مرفأ بيروت وكتبت:' اليوم الذكرى الأولى لعيد موتك يالبنان، إتغير المنظر الي كنت شوفه من شرفة بيتي المطلة عليك يا مرفأ'.
وأضافت:'كنت أوقف عالشرفة و شوف بيروت الحلوة ،شوف الأضوية والناس عمتتمشى مبسوطة! هلا صار المنظر جرح ..صرت شم ريحة وجع وصرخة كل شخص فقد غالي عقلبه بالانفجار'.
وتابعت:'لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة الي ما ذنبها !! المنظر اتغير يابيروت.. بترجاكي ارجعيلنا يا حلوة اشتقنالك..ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا و يا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها!
وختمت رسالتها:'اليوم لابستِلك انا ابيض يا حلوة.. لونك، لون الأمل اللي ما بدي افقده قومي اوقفي مشّي معنا نرجع لهونيك'.
من جهتها وجهت النجمة اللبنانية إليسا رسالة عبر حسابها على تويتر وقالت:' ما تخيلت بحياتي إن رح يمرّق علينا كارثة مثل٤ آب الماضي انفجار اغتصب العاصمة #بيروت وأهلها وكان دماره ووقعه وتأثيره بدقائق معدودة- أكثر من الحرب الأهلية اللي عشناها على مدى 15 عام. جرح #لبنان مفتوحا الضمير غائب الغضب عارم نحن بحاجة للمساعدة من المجتمع الدولي لتتحقق العدالة'.
فيما علقت النجمة نوال الزغبي:' سلطة الذل العهد المتسلط الزعماء البلا ضمير التاريخ ما رح يرحمكن عللي عملتوا بلبنان وشعبه!! #٤_آب مجزرة إنتوا أبطالها ! انتوا أعداء الوطن! شعاركن 'انا ومن بعدي الطوفان' #لبنان ❤️#دولة_مجرمة #إعدام_وطن'.
وشاركت النجمة نادين نجيم صورًا من منزلها الذي دمره الانفجار، وكتبت:' بذكرى ٤ آب ما رح ننسى ابداً الجريمة الإنسانية يلي صارت بحق الشعب اللبناني هيدي مش حرب هيدا كان نهار طبيعي متل كل ايام السنة والناس قاعدة ببيوتها بأمان مرتاحة ...فجأة بلحظة وبغفلة عين فجّرونا ! ليش؟ كلنا منعرف الجواب. الله اكبر منكم و الله مع كل انسان اتضرر جسدياً ومعنوياً ومادياً الله يرحم الضحايا و يصبّر اهلهم ،الحجر بيتعوض بس الإنسان ما بيتعوّض ما في شي رح يعوّضنا غير عدالة السما ???????????????????? lebanese people don’t live they survive only ... keep going #انفجار_بيروت #٤_آب'.
