شقيق ياسمين عبد العزيز يطلب الدعاء: حالتها خطيرة

رفض الفنان وائل عبد العزيز شقيق النجمة ياسمين عبد العزيز الكشف عن طبيعة مرضها والجراحة الدقيقة التي خضعت لها مساء أمس، مؤكدا أن الوقت الراهن لا يسمح، ولكنه طالب الجميع بالدعاء لها لافتا إلى أن حالتها خطرة، ليؤكد الأنباء المتواترة حول نقل ياسمين إلى غرفة العناية المركزة فور الخروج من غرفة العمليات.

وائل تلقى العديد من الاستفسارات حول مرض شقيقته ياسمين خاصة وان عددا كبيرا من النجوم بدأ حملة للدعاء لها منذ فجر اليوم ومن بينهم أحمد حلمي ومنى زكي وفتحي عبد الوهاب، كما تردد أن جراحة الأمس هي الجراحة الثانية لياسمين عبد العزيز في أقل من خمسة أيام، ورد وائل عبر حسابه بموقع الفيس بوك قائلا: صباح الخير.. انا كل الي هقدر اقوله دالواقتي ادعوا لياسمين حالتها خطره.

يذكر أن أحمد العوضي كشف مساء أمس عن خضوع زوجته النجمة ياسمين عبد العزيز لجراحة طبية لم يوضح طبيعتها، مطالبا الجميع بالدعاء العاجل لها، ووجه رسالة إلى زوجته يناشدها أن تقوم بالسلامة وتعود إليه بأقرب وقت.

أحمد العوضي نشر الرسالة عبر صفحته الرسمية على موقع الفيس بوك وقال تعليقا على صورة تجمعه بزوجته: يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض، عشان أنا روحي مش معايا.. أنا ضعيف جدًا من غيرك انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه.

وأضاف: أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك”.

وتابع قائلًا: قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض، من أيام حلوة ومواقف صعبة مرت علينا.. أكتر بكتير حتى من الموقف اللي احنا فيه دلوقتي.. أنا بحبك.. ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجه دعواتكم.

وقبلها أكد العوضي خضوع ياسمين للجراحة بتنويه قصير قال فيه: الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم.. اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها.