بشرى: منتخب مصر كسب احترام العالم رغم الخروج من المونديال ... نال احترام العالم وحقق مكاسب كثيرة

تحدثت الفنانة بشرى عن فخرها بأداء المنتخب المصري خلال كأس العالم وبالتحديد أمام منتخب الأرجنتين في ثمن نهائي كأس العالم.

وقالت الفنانة بشرى خلال مداخلة هاتفية مع الإعلامية نهال طايل في برنامج 'تفاصيل' المذاع على قناة 'صدى البلد2'، إن الفريق حقق مكاسب كبيرة رغم عدم التأهل، مشيدة بالمستوى الذي ظهر به اللاعبون والجهاز الفني بقيادة الكابتن حسام حسن.

وأضافت: 'رغم إن كان نفسنا نتأهل، لكن أنا شايفة إن إحنا كسبنا مكاسب كتيرة جدًا وهما كانوا رجالة ولعبوا بجد لعب بطولي، ولعبنا وأخلاقنا هي اللي كانت باينة وبإشادة في الصدارة'.

وتابعت: 'اكتشفنا مواهب عظيمة عندنا في المنتخب وقدرات المفروض إن إحنا نحييهم كلهم واحد واحد من أعضاء الفريق بقيادة كابتن حسام حسن، ومصر دايمًا ولادة ونقدر نعمل حاجة لما بنحب ولما بننوي ولما بنبقى كلنا إيد واحدة مع بعض'.

واستكملت: 'العالم كله بيتكلم علينا، أنا طول اليوم قاعدة بشير كل الأجانب والعرب وكل التحليلات وكل الكلام وكل الإنصاف اللي جاي من العالم كله لينا وللمنتخب وللعب وللانبهار بالفريق بتاعنا، اللي كان حاجة مشرفة جدًا'.

وأوضحت: 'إحنا نتبنى المواهب الشابة في اختبارات الكورة ونغير مسارنا، ولازم نلف المحافظات ونجيب كل الموهوبين من كل محافظات مصر والبراعم اللي موجودة في مصر، وندي فرص أكبر شوية للمواهب الكبيرة اللي موجودة فيكي يا مصر يعني'.